السلام عليكم
اولا كل سنة وانتم طيبين بمناسبة رأس السنة الجاية و ديل السنة الحالية و ربنا يجعل كل سنينكم بروايح الزهور
حصلي موقف رهيب .. غريب .. مريب ... ربنا لا يوقعكم فيه ولا تتجطوا فيه
قاعد في صيدليني لا بيا ولا عليا فرحان و مبسوط .. الدنيا بتشتي برة و الناس كلها في بيوتها و محدش دخلي النهاردة لكن بحمد ربنا و بشكر فضله على القليل قبل الكتير
وقفت عربية قدامي و نزلت منها واحدة ست و معاها بنوتة جميلة - ماشاء الله عليها - و قالتلي ممكن بنتى تخش النواليت في الصيدلية فأنا استغربت من الطلب .. اشمعنا انا ؟ ما في ستين حتة البنت ممكن تدخل فيها الحمام ولا اكمنه حمام صيدلية هيبقى معقم بقى و نظيف ؟
المهم .. قلتلها اوي اوي اتفضلي .. دخلت الام و معاها بنتها .. بنوتة جميلة حوالي تلات او اربع سنين كده
و خلصت و شكرتنى و مشيت
.
.
.
.
.
.
.
سبع لحظات صمت
انا : كمنص انت شامم حاجة
كمنص - العامل - : ايوة يا دكتور .. تقريبا في عربية كارو عدت من قدامنا فالحمار فك زنقته قدام الصيدلية
انا : بس احنا قافلين الباب يا كمنص و بعدين مفيش حد عدا في الحو البشع ده اصلا من قدامنا
كمنص : دكتور على فكرة الريحة بتزيد
انا : معقول يكون فار دخل الصيدلية و مات هنا
كمنص : الفران مبتجيش في حتت نضيفة وانا بنضف بديتول يا دكتور
انا : لما اقوم ابص في المعمل بصة خليك برة عشان لو حد جة
كمنص : محدش هيجي النهاردة
انا : يخرب بيت فقرك يا فقري
.
.
.
ثلاث لحظات صمت
انا : كمننننننننننننننننننننننننننننننننص
كمنص : دكتور , الفار قرم صابعك
انا : قرم مين يا اهبل .. الحقني بالديتول
كمنص اتجه الى المعمل في نفس ذات اللحظة
كمنص : افيييييييييييييييييييه ... ايه ده ؟ دي مش عايزة ديتول دي عايزة توكسافين و مية نار و منظف بطة !!!
انا : البنت , البنت الصغيرة ... عملتلنا لغم بنت اللئية
كمنص : الريحة قالبة الدنيا برة
انا : اقفل الصيدلية
كمنص : حاضر
انا : حاضر ايه , انا اللى هقفل الصيدلية و انت تنضف الحمام
كمنص : مستحيل
انا : انت هتهرج , نفذ الاوامر يا عسكري و الاهخصم من مرتبك
كمنص : انا مستقيل اساسا , مقدرش اقعد في مكان زي ده
كمنص يتجه الى الخارج
انا : كمننننننننص , حياة ابوك يا شيخ ما تسيبني في ورطتي و هنفذلك شروطك
كمنص : ليا شرط واحد
انا : اؤمر
كمنص : قولي لو سمحت يا دكتور كمنص نضف الحمام
انا : نننننننننننننننننننننععععععععععععععععععم
كمنص : خلاص , روح دور على حد ينضف في الجو ده
و بدون تفكير اتنازلت و قولت و لبسته العدة و اتجه الى العالم المجهول ليحارب الشرير الذي كان يسكن امعاء البنت
و الموضوع خلص في نص ساعة و رجعت فتحت الصيدلية بعد ما كنت بفكر من دقيقة ابيعها او اولع فيها او الاقي البنت و امها و اولع فيهم هما الجوز .. الناس دي بتاكل ايه .. بيب بي ؟
انا بجد تعبت من روتين الاجراءات الحكومية المعقدة و السخيفة في نفس الوقت
كم كبير من الاخطاء التى تتم يوميا و التى يروح ضحاياها لمجرد خطأ في الاجراءات او لوجود ثغرات قانونية لا تمت للمنطق بصلة
النهاردة عرفت ان اي واحد ممكن يأجر اي حاجة لاي واحد و يثبتها في الشهر العقاري من غير علم المستأجر !! بمعنى ان سعادتك لو عندك اعداء لا قدر الله ممكن يروحوا عاملينلك عقد ايجار لمحل او شقة و يروحوا يوثقوه في الشهر العقاري و يعملوا اي جريمة فيه .. قتل او مخدرات او اغتصاب و سعادتك تلبس النوضوع لانك انت اللى مأجر و العقد مثبت في الشهر العقاري كمان
اشرب يا حلو
الموضوع ده حصلي و انا بطلع سجل تجاري و معايا عقد ملكية للمحل قاللي الموظف لازم عقد ايجار !!! قلتله بس انا المالك !! قاللي خلي اي حد يأجرلك !! قلتله يا عم الحاج هيأجرلي ملكي !! قاللي ده لو كان عاجبك و عشان الورق يمشي .. خلي اخوك ولا حد من صحابك يعملك عقد ايجار و يوثقه في الشهر العقاري في المحكمة و متخافش لا هيطلبوك و لا هيطلبوا مستند يثبت ملكيته للمحل و متدفعش حاجة لحد ده اجراء قانوني جدا و عادي خالص !!!!
---------------
ماما كانت بتخلص اوراق في مصلحة الجمارك و المفروض ان الاوراق دي بتمر على موظفين كتير في ( قسم الشرطة اللى في الحي - الجهاز التنفيذي للمنطقة الحرة - مديرية الشؤون الصحية - مصلحة الاموال العامة - مصلحة الموانئ - الافراج الجمركي )
و بعد لف و دوخة لمدة اسبوع على جميع الموظفين جه اخر موظف في الافراج الجمركي مش راضي يعديها , قال ايه مش عاجبه الصيغة اللى مكتوب بيها خطاب الافراج الجمركي و الصيغة دي مش احنا اللى مأليفنها دي موظفة في الاول خالص هل اللى كتبتها و اتختمت من كل المصالح دي و اتدفعت رسوم كتير و في الاخر واحد مالوش لازمة يوقف الشغل كله عشان صيغة ام الخطاب
لا تعليق
---------------
كنت بغير البطاقة في السجل المدني و الست هانم الموظفة قاعدة بتلعب في موبايلها و الناس امم قاعدين ينادوها .. يا مدام , يا ست , يا حاجة و دي عاملة هندي و اول ماشافت الورق بتاعي قالتلي مينفعش لازم مديرية الشؤون الصحية تختم في الورقة انك استقلت و لما رحت المديرية قالتلي مديرة الصيدلة احنا مش بنختم احنا بنديك جواب الغاء تكليف و بس .. يعني الاولانية عايزة ختم على ورقة طلب البطاقة و التانية مش بتختم على ورقة طلب البطاقة
و انا اتحرق بجاز عشان شوية اغبياء
كم كبير من الاخطاء التى تتم يوميا و التى يروح ضحاياها لمجرد خطأ في الاجراءات او لوجود ثغرات قانونية لا تمت للمنطق بصلة
النهاردة عرفت ان اي واحد ممكن يأجر اي حاجة لاي واحد و يثبتها في الشهر العقاري من غير علم المستأجر !! بمعنى ان سعادتك لو عندك اعداء لا قدر الله ممكن يروحوا عاملينلك عقد ايجار لمحل او شقة و يروحوا يوثقوه في الشهر العقاري و يعملوا اي جريمة فيه .. قتل او مخدرات او اغتصاب و سعادتك تلبس النوضوع لانك انت اللى مأجر و العقد مثبت في الشهر العقاري كمان
اشرب يا حلو
الموضوع ده حصلي و انا بطلع سجل تجاري و معايا عقد ملكية للمحل قاللي الموظف لازم عقد ايجار !!! قلتله بس انا المالك !! قاللي خلي اي حد يأجرلك !! قلتله يا عم الحاج هيأجرلي ملكي !! قاللي ده لو كان عاجبك و عشان الورق يمشي .. خلي اخوك ولا حد من صحابك يعملك عقد ايجار و يوثقه في الشهر العقاري في المحكمة و متخافش لا هيطلبوك و لا هيطلبوا مستند يثبت ملكيته للمحل و متدفعش حاجة لحد ده اجراء قانوني جدا و عادي خالص !!!!
---------------
ماما كانت بتخلص اوراق في مصلحة الجمارك و المفروض ان الاوراق دي بتمر على موظفين كتير في ( قسم الشرطة اللى في الحي - الجهاز التنفيذي للمنطقة الحرة - مديرية الشؤون الصحية - مصلحة الاموال العامة - مصلحة الموانئ - الافراج الجمركي )
و بعد لف و دوخة لمدة اسبوع على جميع الموظفين جه اخر موظف في الافراج الجمركي مش راضي يعديها , قال ايه مش عاجبه الصيغة اللى مكتوب بيها خطاب الافراج الجمركي و الصيغة دي مش احنا اللى مأليفنها دي موظفة في الاول خالص هل اللى كتبتها و اتختمت من كل المصالح دي و اتدفعت رسوم كتير و في الاخر واحد مالوش لازمة يوقف الشغل كله عشان صيغة ام الخطاب
لا تعليق
---------------
كنت بغير البطاقة في السجل المدني و الست هانم الموظفة قاعدة بتلعب في موبايلها و الناس امم قاعدين ينادوها .. يا مدام , يا ست , يا حاجة و دي عاملة هندي و اول ماشافت الورق بتاعي قالتلي مينفعش لازم مديرية الشؤون الصحية تختم في الورقة انك استقلت و لما رحت المديرية قالتلي مديرة الصيدلة احنا مش بنختم احنا بنديك جواب الغاء تكليف و بس .. يعني الاولانية عايزة ختم على ورقة طلب البطاقة و التانية مش بتختم على ورقة طلب البطاقة
و انا اتحرق بجاز عشان شوية اغبياء
