ترددت كثير قبل كتابة هذا المقال لاني اعلم جيدا ان اتباع فكر الاخوان المسلمين لا يفكرون ابدا في مناقشة من يعارضهم بل يبدأون بنعته بالكافر او الزنديق او الجاهل و كل ذلك كبداية فقط قبل الدخول لمرحلة الجدية في الرد و التى قد يحاولون فيها ايذاءك فعلا
بصراحة احزن كثيرا عندما ارى كلمة المسلمين بعد كلمة الاخوان فليس هناك ادنى علاقة بين هؤلاء و هؤلاء
لن اكف ابدا عن اعتبار جماعة الاخوان المسلمين جماعة ارهابية ذات خلفية دينية متشددة و هذا ليس رأيي وحدي و انما رأي الكثيرين غيري من المصريين المعتدلين الذين يروا تصرفات الاخوانجيين دخيلة على المجتمع المصري
بشكل شخصي اصبحت اشعر بالخطر من الاخوان لاسباب كثيرة و سأذكر بعضها فبحكم عملي كصيدلي اتعرض كثيرا لعروض من تجار الادوية المهربة و الذين نسميهم تجار الشنطة .. كل تجار الادوية المهربة الذين تعرضت لهم كانوا من الاخوان المسلمين
العامل المرتشي في الوزارة اللي ممكن يخلصلك كل الاوراق بورقة بعشرين من الاخوان
موظف شركة الكهرباء اللي جالي عشان ادفع غرامة عشان لزقت اعلانات على كشك كهرباء طلب رشوة و هيقطع الاوراق ولا من شاف و لا من دري كان من الاخوان المسلمين - على فكرة انا رفضت ادفع الرشوة و قدمت بلاغ فيه و تم القبض عليه و القضية معروضة امام النيابة الان و دفعت الغرامة احسن من الرشوة
طبعا ده غير المساخر اللي بنشوفها من المنقبات اللي بيمجدوا فيهم الاخوانجية , و فعلا انا مستغرب ازاي يبقى فكرك اسلامي و بتنادي بالنقاب و الحجاب اكثر من مناداتك للصلاة و الصوم و الحج و الزكاة و الاخلاق و غيرها .. اهم حاجة عندك ان يبقى في منقابت كثير عشان اللي ماشي في الشارع يقتنع ان فكر الاخوان بينتش لكن من برة الله الله و من جوة يعلم الله فلا اخلاق و لا حياء و يكفي المواقف اللي الواحد بيشوفها يوميا من المنقبات و بصراحة انا بخاف لما بيدخل عليا منقبة لانها ان سرقت حاجة مش هتتجاب ده اذا كانت ست اصلا بقى في منقبات بالعبيط كإنك في ايران فعلا زي ما ساويرس قال لكن كام واحد فيهم مسلمة بجد .. قليل جدا
ده طبعا غير شباب الجامعة اللي دماغهم طقت خلاص و استعدوا فعلا انهم يبقوا ارهابيين كبار في المستقبل لدرجة تنظيم عرض عسكري - تخويفي لبقية الطلبة - من الحين للاخر و مضايقتهم لاي حد يختلف معاهم فكريا
اللي عايز اقوله ان الاخوان دول مجرد كلام على ورق لكن الحقيقة شئ مختلف و مخيف و اتمنى ان ارى مصر قريبا بلا اخوان و ان ارى الانترنت بلا مواقع اخوان خاصة بكل محافظة و ان تسقط الدولة الاخوانية داخل الدولة المصرية و ان اسير في الشارع دون ان ارى حاجات سوداء لا اعرف هي قادمة ام ذاهبة و دون ان ارى شباب مشمرين بناطيلهم ولا بسين طاقية صوف عجيبة او غترة خليجية و ربنا يهديني و يهديهم
لا اطالب بالعلمانية و لكني اطالب بالاسلام المتعدل كما درسه لنا الازهر الشريف لا كما ساقه لنا الاخوان بأفكاره الوهابية المتطرفة
بصراحة احزن كثيرا عندما ارى كلمة المسلمين بعد كلمة الاخوان فليس هناك ادنى علاقة بين هؤلاء و هؤلاء
لن اكف ابدا عن اعتبار جماعة الاخوان المسلمين جماعة ارهابية ذات خلفية دينية متشددة و هذا ليس رأيي وحدي و انما رأي الكثيرين غيري من المصريين المعتدلين الذين يروا تصرفات الاخوانجيين دخيلة على المجتمع المصري
بشكل شخصي اصبحت اشعر بالخطر من الاخوان لاسباب كثيرة و سأذكر بعضها فبحكم عملي كصيدلي اتعرض كثيرا لعروض من تجار الادوية المهربة و الذين نسميهم تجار الشنطة .. كل تجار الادوية المهربة الذين تعرضت لهم كانوا من الاخوان المسلمين
العامل المرتشي في الوزارة اللي ممكن يخلصلك كل الاوراق بورقة بعشرين من الاخوان
موظف شركة الكهرباء اللي جالي عشان ادفع غرامة عشان لزقت اعلانات على كشك كهرباء طلب رشوة و هيقطع الاوراق ولا من شاف و لا من دري كان من الاخوان المسلمين - على فكرة انا رفضت ادفع الرشوة و قدمت بلاغ فيه و تم القبض عليه و القضية معروضة امام النيابة الان و دفعت الغرامة احسن من الرشوة
طبعا ده غير المساخر اللي بنشوفها من المنقبات اللي بيمجدوا فيهم الاخوانجية , و فعلا انا مستغرب ازاي يبقى فكرك اسلامي و بتنادي بالنقاب و الحجاب اكثر من مناداتك للصلاة و الصوم و الحج و الزكاة و الاخلاق و غيرها .. اهم حاجة عندك ان يبقى في منقابت كثير عشان اللي ماشي في الشارع يقتنع ان فكر الاخوان بينتش لكن من برة الله الله و من جوة يعلم الله فلا اخلاق و لا حياء و يكفي المواقف اللي الواحد بيشوفها يوميا من المنقبات و بصراحة انا بخاف لما بيدخل عليا منقبة لانها ان سرقت حاجة مش هتتجاب ده اذا كانت ست اصلا بقى في منقبات بالعبيط كإنك في ايران فعلا زي ما ساويرس قال لكن كام واحد فيهم مسلمة بجد .. قليل جدا
ده طبعا غير شباب الجامعة اللي دماغهم طقت خلاص و استعدوا فعلا انهم يبقوا ارهابيين كبار في المستقبل لدرجة تنظيم عرض عسكري - تخويفي لبقية الطلبة - من الحين للاخر و مضايقتهم لاي حد يختلف معاهم فكريا
اللي عايز اقوله ان الاخوان دول مجرد كلام على ورق لكن الحقيقة شئ مختلف و مخيف و اتمنى ان ارى مصر قريبا بلا اخوان و ان ارى الانترنت بلا مواقع اخوان خاصة بكل محافظة و ان تسقط الدولة الاخوانية داخل الدولة المصرية و ان اسير في الشارع دون ان ارى حاجات سوداء لا اعرف هي قادمة ام ذاهبة و دون ان ارى شباب مشمرين بناطيلهم ولا بسين طاقية صوف عجيبة او غترة خليجية و ربنا يهديني و يهديهم
لا اطالب بالعلمانية و لكني اطالب بالاسلام المتعدل كما درسه لنا الازهر الشريف لا كما ساقه لنا الاخوان بأفكاره الوهابية المتطرفة
Hi Sharm, these photos, look like a war, but I want recall the third one, is the soldier doing a choreography?
Big greetings and big hugs
Sweet Dreams, from the bottom of my Heart:
Arthur
Hi Sharms, your photos look like a parade, and I also think the third one is kind a dance, isn't it?
Greetings and hugs
Nice Day, with my whole soul:
Gusthav
طبعا انا معاك ان الاخوان فيهم ناس مش كويسة بس مش معنى ذلك ان كلهم وحشيين
الناس اللى انت حيت عنهم هتلاقيهم فى لاخوان والمسيحين وهتلاقيهم فى الناس العادية هتلاقهم فى كل مكان وهتلاقى ناس فى الاخوان كويسيين برده
الموظف اللى خلصلك الورق وخد فلوس هتلاقيه فى كل مكان مش لازم يكون اخوان علشان يبقى مرتشى ولا حرامى
بس انا عايز اسالك سؤال انت عرفت منين ان كل اللى انت قولتهم انهم اخوان اصل محدش بيمشى يقول انا اخوانى مثلا
انت عرفت منين
انا معاك ان العرض العسكرى كان تصرف اهبل منهم
انت عارف ان جالى تاج من مدونة كان فيه سؤال ترشح مين لحكم مصر الاخوان ولا الحكومة
فرديت علية هوا مينفعش حد يحكم مصر عدل يعنى هيا البلد خلصت من الشرفاء فبقى مكتوب علينا الاخوان او الحكومة
بصراحة شديدة انا مختلفة معاك فى حاجات كتيرة جدا فى البوست دا ....
بص يا سيدى ... مبدأيا كدا انا بس بطلب منك تعرفلى العلمانية من وجهة نظرك لأنى صعقت انك بتقول لا اطالب بالعلمانية.أدينى تعريف للعلمانية
احب بس ااكد انى مش اخوانية و معنديش النية انى اكون اخوانية ...
. بس الاخوان اللى انا شفتهم مش زى ما انت بتقول اطلاقا مطلقا ... و لا فيهم اى حاجة من اللى انت قلتها ... و انا معرفش انت احتكيت بميين اخوانى .... بس انا من خلال كليتى عرفت ناس اخوان و ناس محترمة جدا و عاقلة جدا و متفتحيين و مثقفين و معتدليين .... و البنات الاخوان لا هما منقبات و لا حتى مختمرات دول يدوبك لابسين حجاب اكبر حاجة بسيطة من العادى مش خمار حتى... و يا ريتك تزور مدونة نجوم الحيرة مثلا ... مدونة جميلة لشابيين من الاخوان و ليهم اصدقاء مدونيين اخوان بردو ممكن تلاقى لينكات لمدوناتهم ....
اللى انت بتتكلم فيه دا بالظبط زى ما الامريكان بيروجوا ان العرب همج و ارهابيين .... تعميم ... لأ الاخوان مش كلهم كدا .... بالعكس ... و مش معنى ان فى جزء بسيط منهم انفصل و عمل حركات ارهابية ان كلهم كدا ...
و مش فاهمة بردو وجهة النظر بتاعت ان كل المرتشين اخوان دى .... ما سبحان الله المرتشيين كتيير جدا هنا فى القاهرة و مش اخوان ... انت بتعمم بشكل غير طبيعى
كمان انا عايزة اعرف انت ازاى بتحكم على الشخص دا اذا كان اخوانى او لأ ...
فى النهاية انا شايفة ان البوست دا منك جه اوت عشان انت بتعمل تعميم و عامة انا مش مع الاخوان و حتى محبش انهم يوصلوا للحكم فى مصر انما مش معنى كدا انى اسكت على كلام انا عارفة و متأكدة انو كلام منقوص
hey arthur
unfortunately , he is not a soldier , he is a student in the university and joined some kind of terroristic groups in the middle east ..
gustav
it is not a dance , it is a fight !!
kisses for u and for arthur ..
ناس لا من مصر و لا يعرفوا اخوان مسلمين و قاللولي شكلهم في حرب
ميعرفوش انهم طلبة جوة الجامعة
مصر هي امي
اشكرك اولا لتعليقك و نورتني
اكيد اللي دخلولي اتعرفت عليهم و اتناقشت معاهم مش لمجرد انهم ملتحين
و زي ما انت قلت ان الاخوان فيهم الكويس و الوحش زيهم زي اي مجتمع لكن الخطورة الكبرى على المجتمع المصري و ثقافته تكمن في الاخوان
يا اخي ده في ناس منهم مش بتقول السلام عليكم لمجرد اني حالق ذقني فبكده ابقى خايف من الحكومة و و علمت حساب للعبد الحاكم على حساب الرب الخالق
ده في واحد مرة دخلي و قاللي حاطت علم النجاسة ده في صيدليتك ليه ؟؟
طب ارد عليه اقوله ايه ؟ طرده من الصيدلية مكانش كفاية بالنسبة ليا و بصراحة ده معرفش اذا كان اخوان او غيره لكن كان معاه واحد اخوانجي فعشان كده توقعت انه يكون من نفس العينة
عموما انا ضد وجود متعصبين لفكر معين سواء ديني او سياسي فما بالك لما يكون ديني و سياسي و بيحاولوا يفرضوا عليك ثقافتهم
هند
قصدت اني لااطالب ان تكون دولتنا زي تركيا او فرنسا يمنع فيها المحجبات او المنقبات من حقوق في التعليم و الرياضة مثلا فالموضوع مش موضوع تعريفات و شعارات
هند .. شباب الاخوان ممكن تسميهم اول قطفة .. لسة مأخدوش اوامر من قياداتهم
لسة موصلوش انهم يبقوا في التنظيم الفعلي للاخوان المسلمين
انا لا بتكلم بقى عن اخوان الوردود و الحياة الجميلة و الدين لله و الوطن للجميع و الشعارات الجديدة اللي بدأنا نسمعها مؤخرا لكن بتكلم عن فكر ناس زي مهدي عاكف و اللي حواليه .. بتكلم عن تيارات اخوانية حمساوية بدأت تتغلغل في فكر شباب العريش و رفع .. بتكلم عن دولة داخل الدولة
لو شفتي اخوان كويسين اعرفي على طول
انهم مش اخوان حقيقين
شكرا
اخوان حقيقين و ولاد القيادات كمان .... اكيد مش هكدب عينيا يعنى ... انت متحامل زيادة عن اللزوم ... و بتعمم رأيك ... القليل منهم هما اللى متطرفين ... عامة اللى انا عايزة اقولوا بردو ان مصر اصلا دولة علمانية و العلمانية عمرها ما حاربت لا المحجبات و لا المنقبات .... اذا كانت العلمانية اصلا بتدعو للحرية يبقى هتناقض روحها ... فى لبس عند ناس كتير على موضوع العلمانية دا و معتقدين ان له علاقة بالدين و بس ... يبقى شئ ظريف لو دورت على التعريف او الشعارات طالما دا هيخليك تتفادى اخطاء فى الفهم زى اللى حاصل دلوقتى ... مش عيب يعنى اننا نعرف التعريف و الشعار عشان نفهم التطبيق
الاخوان مش زى ما انت بتقول
الاخوان ناس مثقفة و متفتحة و منظمة و قلة قليلة منهم هما اللى متطرفيين
اه و على فكرة ... اغلب الاخوان اصلا مش ملتحيين
شوف الينكات دى عشان تكون حكم اشمل ...
http://nojoomol7era.blogspot.com/
http://sanaa86.blogspot.com/
http://ikhwanyouth.blogspot.com/
http://sharkawoo.blogspot.com/
http://www.wmdat.blogspot.com/
http://ana-ikhwan.blogspot.com/
http://althoqb.blogspot.com/
http://mabadali.blogspot.com/
احييك يا احمد على شجاعتك ومعلش المقال ده حيجيبلك وجع دمااااااغ كتير اسالنى انا
طبعا طبعا كل كلامك صح وانا من واقع تجارب شخصيه باأيد كلامك الاخوان ما هم الا بلاء على مصر ومش معقول حنسكت لغايه ما تبقي البلد كلها منتقبات وملتحين والباقي تفجيريين وانتحاريين مش معقول احنا بقينا متناقضين وابتعدنا عن جوهر وعمق الدين الاسلامي بعد ما تم تصدير النقاب واللحى والتدين السطحى لمصر بفضل المد الوهابي والجماعه المحظوره الدين بقي تجاره وتجاره مربحه كمان بتكسب فلوس وبتكسب شهره وشعبيه ومقاعد فى مجلس الشعب كمان وحصانه
ربنا يتوب علينا بقي ونفوق
اولا بعتذر اذا كنت سببت ( وجع دماغ ) ليك يا أحمد زى ما الاستاذة نسريين بتقول ... بس اللى انا اتعودت عليه انى لما بختلف مع حد بنتناقش و المناقشة دى بتفيدنى عشان بعرف الرأى الاخر و أظن انها مش اول مرة اعلق فى مدونتك الموقرة و مش اول مرة اختلف معاك فى الرأى عشان كدا كتبت رأيى المعارض بكل وضوح من منطلق ان اختلاف الرأى لا يفسد للود قضية كما انه لا يسبب وجع دماغ.
ثانيا ... احب اوضح تانى انى مش اخوانية و محبش ابدا ان الاخوان يمسكوا الحكم .... لكن مش ضد وجود الاخوان ... طب ليه انا ضد انهم يمسكوا الحكم ... ببساطة شديدة لأنهم ملهمش اجندة واضحة تعرفنا هما عايزين يعملوا اذا السلطة بأت فى ايديهم بالاضافة الى انهم لسة مكتسبوش شرعية وجودهم من الاساس ... انا شايفة ان الاحزاب السياسية هى القناة الشرعية لممارسة السياسة ... المستقليين حتى بيواجهوا مشاكل فى انتخابات الرئاسة كمثال ... اذا الاخوان عايزين الرئاسة او السلطة يبأة الاول يكون فى احزاب تنشأ على أساس دينى و دا مش عيب و فى امثلة كتيرة فى العالم زى المانيا مثلا ... و بعد ما يبقوا حزب يبينوا اجندة واضحة .... نختلف معاها نتفق معاها احنا حريين ... بس كلوا يبقى فى النور
انا بأة ليه مش ضد وجود الاخوان ... لأن الاختلاف مطلوب و اتزان القوة هيحققلنا استقرار اكتر ... يعنى لو الاخوان ليهم ثقل و الوطنى ليه ثقل و الوفد ربنا كرمه و بأة ليه ثقل و الحزب الخضر فاق من الغيبوبة و بأة ليه ثقل و حزب الجبهة اتنشط كدا ... تعدد القوى السياسية فى حد ذاته شئ صحى جدا ... و احنا محتاجين الاختلافات ... اذا كان دلوقتى مفيش حد ظاهر غير الاخوان و الوطنى ... دا احسن من الوطنى و بس .... و بكرة لما يكون الوطنى و الاخوان و الوفد ... دا احسن من الوطنى و الاخوان بس ...
اللى كان نفسى اسمعه منك ... انك تقول انا بختلف مع الاخوان ان مثلا فلان الفلانى صرح و قال مش عارف ايه و دا غلط او عن شئ محدد عن كدا ... لأنى شايفة البوست بتاعتك دى بتعمم ... فى اخوان عارضه العروض العسكرية دى ... و الاخوان مش كلهم ملتحيين و منقبات ... يا جماعة بجد لا يصح اننا نأخذ عينة بسيطة و نعمم رأينا ... انا بقولك انى احتكيت بناس اخوان ولاد قيادات وهما معترفين انهم اخوان و لبسهم عادى و مظهرهم عادى ...
هند
الموضوع مش نقض ولا دفاع عن العلمانية و للاسف كلامك مش صحيح لانه لو كان صحيح ماكانتش دول زي تركيا و فرنسا منعوا الحجاب من اصله
يعني انا مش عارف ليه تحولتي في كلامك للعلمانية رغم اني مذكرتهاش الا في اخر سطر و اذا كنتى نسيتي ان العلمانية هي فصل الدين عن السياسة فأنا بفكرك و بفكرك كمان ان الاخوان عايزين دولة على اساس ديني و انا ضد الاخوان يعين انا مع العلمانية الجزئية مش الشمولية و الموضوع لتاني مرة مش عن العلمانية و ياريت تبطلي تديني دروس فيها لاني فاهمها كويس
و هي المشكلة في لحيتهم ياهند ؟؟
ما الاسلامبولي ماكنش ملتحي , هل ده يعني انه مكانش ارهابي ؟؟
شكرا نسرين
انا معاكي جدا و امنيتي اني اصحى في يوم و اسمع ان الحكومة قبضت على كل الاخوان نفتهم برة مصر
صدقيني لو في يوم من الايام خكم الاخوان مصر فأنا ههاجر برة مصر خالص لانهم يعملوا فيها زي ما حماس عاملة في غزة , مفيش فكر و مفيش ادراك للواقع لكن اخدنها بالدراع و لا يعترفون ابدا بالخطأ و كل اللي يختلف معاهم كفرة في جهنم
هند
ايه الكلام للي بتقوليه ده ؟
انتى منورة المدونة و انتى عارفة انا بحترمك قد ايه و ياستنى اذا كان على وجع الدماغ
ناخدله قرص اسبرين .. انتى نسيتي انى صيدلي ؟
اجندة الاخوان ستظل مخفية حتى لو تم اعلان حزب اخواني .. فالاجندة التى تطرح علينا لنوافق عليها ام لا ستكون مليئة بالورود و الوعود التى ستنفذ و انا اعرف تماما انهم ينفذون ما يعدون به و تلك هي النقطة البيضاء الوحيدة في نواب الاخوان ولكن هناك اجندة اخرى خفية تتعلق بعلاقاتنا مع امريكا و اسرائيل و ايران , تتعلق بالاقليات في مصر
احنا متفقين على عدم ترحيبنا بالاخوان كحكام و لكن مختلفين على وجودهم و صدقيني انا حابب جدا ان يكون في مصر تعدد في التوجهات و لكن ليس لدرجة وجود توجه ذو فكر وهابي متشدد صاحب خلفية ارهابية
يعني فكر لن يتناقش مع الايرانيين و لا الاسرائيليين و لا المصريين المعتدلين
يا هند , انا لما بتكلم عن الاخوان فأنا اقصد التوجهات الرئيسية فيه , يعني فكر مهدي عاكف مش فكر واحد مش ملتحي و واحدة مش منقبة
الشباب اللي عملوا العروض العسكرية دي كانوا اخوان و معملوهاش من نفسهم لكن بأوامر عليا لان الاخوان مش ممكن اي حد يعمل اي حاجة فيه لكن منظومة سياسية مفيش حاجة تتعمل فيها الا بأوامر من القيادة العليا , و يوم ما يقلولهم شيلوا اسلحة و اقتلوا هيشيلوها و يقتلوا
هو ده فكر الاخوان
كل دا .... الموضوع طول قوى و دخل فى امور فرعية كتيرة ... بس مش مشكلة هرد و نحاول ننهى النقاش قبل ما يبقى تجادل ...
العلمانية اللى احنا خادناها فى الكلية انها بتدعو للحرية و التحرر من تعاليم الكنيسة عشان كانت الكنيسة فى الوقت دا هى المسيطرة على الحياة السياسية ... فالناس معتقدة ان العلمانية معناها محاربة الدين و دا شئ مش صحيح ... اذا كانت فرنسا منعت الحجاب دى سياسة دولة مش مبادئ علمانية ... و تركيا دلوقتى بقت غير قبل كدا و زوجة عبدالله اوجلان محجبة و فى تقريبا واحدة محجبة فى البرلمان او بيعملوا قانون يسمح بدا ... المهم ان العلمانية مش زى ما الناس فاهمة اننا نلغى الدين. لو تحب ممكن تقرأ كتاب العلمانية الجزئية و العلمانية الشاملة لعبدالوهاب المسيرى.
نرجع و نقول سيبنا من العلمانية ... مش موضوعنا ... معلش ... أبأة زود الاسبرين
اللحية ... انت قلت ان فى اخوان مش بيردوا عليك السلام لمجرد انك مش ملتحى ... فقلت اوضحلك انهم مش كلهم ملتحيين يعنى
عامة اللى انا شايفاه ان الاخوان مش ارهابيين و مش بيدعوا للأرهاب و اللى عمل دا كانت جماعة منشقة و بس ...
و كمان ايه حكاية تهاجر و تسيب البلد دى يا دكتور لو الاخوان مسكوا البلد. أكيد قصدك ننظم ثورة شعبية و لا نعمل حزب محترم يكسب فى انتخابات نزيهة ... بس عمرنا ما هنوصل لغزة او الصومال.
نأسف للأزعاج و شكرا لسعة صدرك.
اه صح. شكلك نفضتلى و لم تلقى نظرة على المدونات اللى جبتلك روابط ليها
عامة رأيى اننا لازم نتعايش رغم اختلافتنا و حتى لو احنا مختلفين مع فكر الاخوان (المعتدلين) مش الجماعات المنشقة ... مش معنى كدا اننا ننبذهم و نعمالهم بتحفظ ... لازم نتعايش و ننصهر ... كفاينا اقليات على اساس دينى بأة ... الاخوان كدا هيقولوا احنا اقلية و عايزين حقوقنا
لم اقتنع باي مذهب يخالف اراء الازهر الشريف لانها غالبا قائمه علي اراء موجوده لكنها متشدده رغبه في اضفاء مسوح التمسك بالدين امام الناس باعتبار ان التششد صار تمسك امام الناس
هند
والله ما نفضتش ولا حاجة بالعكس انا زرتهم بس طبعا انا مختلف معاهم في توجهاتهم فمحبتش افتح مواضيع جديدة
برضه بنرجع لنفس النقطة و نجيب جملة غير منطقية زي جملة ( نكتار طبيعي ) و نكتار للعلم هو العصير الصناعي
اخوان معتدلين
!!!
لو في معتدلين يبقوا مش اخوان اصلا لان الاخوان يخالفوا الازهر في اراء فقهية لانهم متأثرين اكتر بالمذهب المالكي و اراء الامام محمد عبد الوهاب المتشدد بينما الازهر يميل الى مذهب الامام الشافعي الذي يمكن ان نسميه معتدل
ده بالنسبة للدين اما بالنسبة للسياسة فحدث ولا حرج و ادي حماس بتضرب الضربة و تقول متقدروش علينا و اول ما اسرائيل قالت هتنسحب قالوا دي بوادر انهزام يعني بيستفزوهم يذبحوا فيهم اكتر يعني بيفروني بالراجل اللى في مسرحية الهمجي اللي قعد ينضرب و يقول متقدرش
مش عارف الدماغ العبيطة دي جايبنها منين
متفق معاك يا ذو النون
علمونا في الأزهر إن الحكم على الشيء فرع عن تصوره
وإذا لم تكتمل الصورة لدى من يحكم وسارع للحكم فهو بذلك قد ارتكب معصية تستحق التوبة والرجوع عنها .. ومثال ذلك قصة استغفار وركوع داود عليه السلام
وما ذكرته من علامات عن هيئة الإخوان كالنقاب واللحية والجلباب القصير تؤكد عدم معرفتك بالإخوان على الإطلاق .. وإذا كنت لا تعلم مجرد هئيتهم مع اشتهارها فدا دليل على عدم معرفتك بمنهجهم بالإضافة لدليل آخر لعدم معرفتك بهم وهو كلامك عن مذهبهم الفقهي والخلط العجيب بين تبعيتهم للمذهب المالكي حسب كلامك وتبعيتهم في نفس الوقت للمنهج الوهابي الحنبلي .. فكيف الحكم على منهج كل ما لدينا عنه معلومات مغلوطة
وبناء على هذا فحكمك عليهم حكم من لم يتصور الشيء وهو اقرب لرأي شخصي فيه حظ النفس وبعيد كل البعد عن الموضوعية والحياد ..
وقبل ان تسارع مرة أخرى وتحكم علي أني من الإخوان .. فأوضح أني لا انتمي لأي جماعة .. ولكن الحق أحق أن يقال
تحياتي
واضح جدا ان حضرتك ولا تعرف حاجة عن فكر الاخوان ولا حاجة وجاي بس تهاجم وخلاص وطبعا لما دخلت الابلة نسرين وضح اكتر وجهة حضرتك ايه بالضبط
ومعلش يعني اسالها سؤال بس من غير طولة لسانها اللي هي معروفة بيها يعني
ايه المشكلة لما البلد تتملي ملتحين ومنتقبين هيضايقوكي في ايه
ما هو ممكن يبقوا ملتحين ومنتتقبين ومش اخوان ودة اغلب الاخوان عاملينه فعلا لا منتقبين ولا ملتحين
يبقى ايه مشكلتك يا افندم من نقابهم ولحيتهم اقولك انا مشكلتك ان حضرتك مش مسلمة اصلا عرفتي ليه انتي و صاحب المدونة دي وطبعا بقيت الشلة بتاعتك اللي انتي وهو عارفينها شوية ناس مش مسلمين مجندين لكدة ومتخفيين في اسامي ومظاهر اسلام للظهور على انكوا مسلمين بقى ومش طايقين الفكر الوهابي زي ما بتقولوه
عيب بقى وكفاية مكشوفة اوي اللعبة دي
حاسبوا حاسبوا الفكيك وصل
ايه يا وله الحلاوة دي كلها
خلاص انا بقيت مش مسلم عشان بهاجم الاخوان ؟
والله كل يوم بتأكد اكتر من الاول من اللي انا بقوله لان اول جملة قلتها في موضوعي
--------------------
لاني اعلم جيدا ان اتباع فكر الاخوان المسلمين لا يفكرون ابدا في مناقشة من يعارضهم بل يبدأون بنعته بالكافر
--------------------
وبعدين ايوة انا مش طايق الفكر الوهابي و ده مش فكر بيعبر عن اسلام معتدل ولا عن مجتمع ناضج
ملاحظة اخيرة .. قبل ما تقول متخفيين في اسماء ابقى قول اسمك الاول
ما علينا
اولا انا مستغرب اوي من كلامك.. طب لما انت عارف الكلام ده كله ليه اتهمتنى في يوم من الايام اني جاسوس
والله حاجة تضحك ان النصح ده يجي من واحد بيرمي اصلا كلام و اتهامات باطلة
ثانيا انا بعتذر لهند عن سهوي كتابتي للمذهب المالكي بدلا عن الحنبلي السائد و اللي له الافضلية هناك
ثالثا انا متهمتكش انك من الاخوان اصلا عشان تبرأ نفسك
رابعا اذا كنت بتكلم عن شكليات فده جزء لا يتجزأ من الموضوع لانه نتاج فكر خطأ موجود بيننا
Hello, Sharme!
How are you?
I desire that everything is to run well with you.
This year I go to the Egypto and want to be with you, ok?
The fight continues.
Until always.
you r welcome david ,,, i will waiting u ..
بعد اذنك يا احمد
طبعا انا مقدرش اكتب رد مفصل فى مدونه غير مدونتى لكن مضطره ارد
اولا مش شرط ان زيارتى لمدونه احمد يكون معناها اننا معتنقين لنفس الافكار ممكن جدا ووارد الاختلاف لكن تقسيم الناس لطوائف وشلل ومجموعات منفصله ده اسلوب متطرف ومن اهم الاشارات اللى بتدل على انك اخوانى صميم انك اعتبرت اتفاقنا فى معارضه الاخوان وتبادلنا الزيارات على بلوجر يجعلنا فى قالب واحد من الافكار وده ممكن ميكونش صح
ثانيا
اسلامي وايمانى بالله لا ينتظر امثالك ليفندوه ويحددو اخلاصه من عدمه وانا مش بالسذاجه اللى تخليني ادافع عن نفسي قدام الجهله من امثالك واقعد اعيط واقولك والله انا مسلمه ارضي عنى يا مولانا لا طبعا ده مش حيحصل لان الدين لله مش ليك يا شاطر يبقي تسكت وتروح تتعلم حاجه مفيده وتسيب اسلوب الوعظ والنصح الساذج ده
هو دفاعى عن نفسي قدام الجهل والهجوم المنحط يعتبر لسان طويل
يا سيدي انا لسانى طويل ياريت بقي تتقي شري وخليك فى الوسواس القهرى بتاع نظريه المؤامره اللى مخلياك فاكر ان اسمي الحقيقي ساره شلهوب من مواليد موسكو وباشتغل فى الجستابو من ايام نابليون وباخطط لاباده شامله للاخوان المسلمين والهنود الحمر وباكل من ماكدونالدز وده طبعا دعم للامريكان وفى الاخر حتوصل للحقيقه الخطيره وهى انك مش متغطي كويس
هما الاخوان مش بيوزعو بطاطين ولا ايه
:)
اعتذر عن سوء التفاهم اللى خلا الاستاذه هند تفهم انى اقصدها بوجع الدماغ انا مش فاهمه هى وصلت للفكره ديه ازاى لكن ده مش حقيقي انا اقصد بوجع الدماغ النوعيه العقيمه ديه من التعليقات
انا اسفه جدا يا احمد على التطويل ولك حريه مسح التعليق لو شايف انه مش مناسب
:)
نسرين
بالعكس
انتى اسعدتيني جدا بالتعليق ده لدرجة اني عايز ابروزه و لانك ادتهومله صح
سكرا ليكي
ازاى تتجرأ وتكتب عن الاخوان المسلمين
انت ايه مش مسلم ... دول هما اللى هيدخلونا الجنة لان مهدى عاكف اللى معاه مفتاحها ... طبعاً أحييك على تفنيدك لاخطائهم وشعاراتهم اللى رافيعنها ليل نهار واللى بتتغير حسب الاهواء والاغراض الشخصية .. يعنى شوية الاسلام هو الحل ... طبعا دلوقتى الاسعار غالية يبقى لا للفساد وزيادة الاسعار ... طيب عملوا ايه علشان يخفضوا من الاسعار ؟؟ .. بنوا فرن عيش بدل الطوابير اللى اولها فى شبرا واخرها فى الهرم .... عملوا مستشفى لعلاج الغلابة اللى بيضحكوا على عقولهم؟؟ ... بنوا مدرسة لاطفالهم ؟؟ .. اعتقد الاجابة واضحة وصريحة ... طيب يحكمونا ازاى .. اليس مهديهم عاكف صاحب الطظات الثلاث ... واحد بيقولك طز فى مصر وشعب مصر .. يعنى لا يهمه مصر ولا شعبها يبقى عايز يحكمها ليه .. اليس هو من قال اللى هيعارض هديله بالجذمة ... واحد لسه لا مسك الحكم ولا قرب منه وهيدى المعارضه بالجذمة امال لو مسكه هيعمل ايه .. هيقتل المعارضة ؟؟؟
يا دكتور انا جارى اخوانى واتكلمت فى الموضوع ده عندى فى البلوج من زمان اوى .. بانهم يقولون مالا يفعلون .. رايح جاى قال الله وقال الرسول ... افعاله ابعد ما يكون عن الله وعن الرسول .... اقولك ليه .. اصلى روحت عملت له محضر تحرش قبل ما اعمله المحضر مكنتش عارفه اخلص منه ورذل عليا بكل الطرق وقرفنى بشتى الاشكال ... يا اما ؟؟؟؟ يا اما استحملى اللى هعمله فيكى والله انا شكلى محترم ولبسى محترم ... وما بكلم حد خالص يعنى فى حالى ... ايه اللى خلاه يحطنى فى دماغه بالشكل ده ما اعرفش ... وبصرف النظر عن اللى قدامه محترمة من عدمه مش المفروض بما انهم المسلمين الوحيدين هما مش اسمهم برضه الاخوان المسلمين ... هو فين من غض البصر حتى لو اللى قدامه رقاصة ... يا فندم خاف من الشرطة وبعد عنى لما عملت له محضر وما خافش من الله سبحانه وتعالى ولا اتقاه فى الظاهر قدام الناس التقى الورع .. الله اكبر .. واخر افعالهم اتفضل
ده لنك مدونتى ... يشرفنى زيارتك فى اى وقت
http://catofdesert.blogspot.com/
اهلا ديسيرت كات
ده حالهم .. متاجرة بالدين لاغراض سياسية او اقتصادية
شكرا ليكي
عن نفسي دايما بقول لا دين في السياسه
لييك وحشه يا أبو حميد
تحياتي
السلام عليكم
الدكتور الكريم احمد يحي
اولا علشان ابدأ صح انا من الاخوان المسلمين
وعلى فكره انا مش حاقول انك كافر ولا زنديق ولا حاجه من الكلام ده كله
بل ححاييك انك بتقول رأيك وده حاقك
خليني ابدأ من النقطه بتاعة النقاب مش عارف انت حايكون ايه رأيك لما اقولك ان الرأي الفقهي اللي بيتبناه الاخوان ان النقاب مش فرض بل هو فضل او نافله او مستحب علشان كده مش الاخوان اللي بيأمروا الستات انهم يلبسوا النقاب
لكن انا مش عارف ليه ما نحتكمش للحريه الشخصيه في المضوع ده لو انت بتقول ان من الحريه ان اي واحده تلبس اللي هي عايزاه طيب ماتسيب اللي عايزه تلبس نقاب تلبسه ايه المشكله يعني وان كان في منقبات مش كويسين فاكيد في برده مش منقبات مش كويسين دي واحده
موضوع العرض العسكري اللي اتقلبت عليه الدنيا
اولا الطلبه اعتذروا وقالوا احنا اسفين والاخوان في مكتب الارشاد اعتذروا وقالوا احنا اسفين طيب عايزين ايه تاني
العجيب يادكتور ان قبل العرض الرياضي ده كان في اقتحام للبلطجيه لحرم جامعة عين شمس بالسنج والمطاوي والجنازير تحت اشراف امن ورئيس الجامعه ولم يتكلم احد
وعلى فكره الموضوع بتاع الاقتحام كله متصور بكل احداثه
وقبل كده تم اعتقال الطلبه وفصلهم بل وسحلهم في بعض الكليات وماحدش اتكلم
طيب لما يجي بعض الطلبه من كلية التربيه الرياضيه ويعملوا عرض لمباديء الكنغوفو اللي بيتعلموه في كليتهم وبعد كده يعتذروا ماحدش يسمعهم ليه؟؟؟
موضوع الموظف والناس بتوع الادويه وغيرهم في قاعده قانونيه بتقول البينة على من ادعي عندك بينه قول ماعندكش خلاص
وبعدين ايه اللي عرفك انهم اخوان اعتقد على حد علمي كأحد الاخوان يعني اننا مش بنمشي في الشارع معلقين كارنيهات على صدرنا وانا عمري ما دخلت على حد قولتله انا فلان من الاخوان ازاي عرفت انهم اخوان
على فكره مش كل واحد ملتحي يبقى من الاخوان
في النهايه صدقني انا سعيد لو تحاورنا بجد
مش حرام اني يكون ليك فكر وان يكون لي فكر غير فكرك لكن المهم في النهايه اني لا انكر وجودك وانت لا تنكر وجودي
اتمنى ان تكون فكرتي وصلت وعذرا على الاطاله
وان كنت فعلا عايز تعرف اكتر عن الاخوان ياريت تقرا كتاب رسائل الامام حسن البنا
مش حاتتكلف حاجه لو عجبك كان بها ماعجبكش ياسيدي يبقى يادار ما دخلك شر
اتمنى ان نتواصل دائما
الشاعر بن هلال
aelsayed1986@yahoo.com
على فكره ده الاميل بتاعي
واهلا بيك في اي وقت لو عايز نتحاور
الشاعر بن هلال
مايكل
طبعا كلامك صح
متفق معاكringmetoislam
اجري على الله
اخي الكريم
انت قريت كلامي كويس ؟ هو انت لما تعتبر حاجة انها فضل تقوم طابعلها بوسترات و تلزقها في الجامعات و المدارس ؟ امال مطبعتوش ملصقات للصلاة و الصوم و الزكاه او حتى صدق بنفس الطريقة ليه ؟
رأيكم الفقهي يحتلف عن تصرفكم الواقعي .. انت بتقول انه من هوامش الدين و لكنكم تنادون اليه و كأنه من فروض العبادات و انا فعلا بنادي بالحرية الشخصية الغير مطلقة ... يعنى محدش يمشيلي عريان في الشارع و لا حد يمشي و هو ملثم و مش عارف ده راجل ولا ست
انت عارف ان في واحد لسة قاتل واحد و الطريقة اللي فكر في نقله بيها كانت انه يلبسه نقاب و يقعده جنبه .. القتيل ده ممكن يكون حد مننا
بالنسبة للطلبة .. تفتكر احنا كنا بنمجد في الجامعة لما البلطجية اقتحموها ؟ اكيد لا .. رفضي لعرضك المليشيا لا يعني موافقتى لاقتحام البلطجية
و مش هنقلبها حرب بقى .. عصابات ضد مليشيات
بالنسبة لكلية التربية الرياضية فده مثل غريب اوي .. ازاي بتقارن واحد بيمارس لعبة دفاعية بواحد بيمارس اسلوب تخويفي تهجمي
اكيد انا عارف ان مش كل واحد ملتحي يبقى اخوان و لكن الشرح يطول في سرد موقف مش هش هيفيد في حاجة .. تخيل انا افتكرت مواقف تانية دلوقتى
قرأت رسائل الامام حسن البنا و اعتقد ان فيها ما لم يقنع اخوه جمال البنا شخصيا
الشاعر بن هلال .. تحياتي لك
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Monitor de LCD, I hope you enjoy. The address is http://monitor-de-lcd.blogspot.com. A hug.
ووالله انا مبقتشى عارفة هنمنع مين ولا مين وال مين
الاخوان ولا الحرامية ولا امريكا ولا اليهود
ربنا معنا
Monitor de LCD
good blog and nice template ..
ابوية
هنمنع نفسنا .. من السكوت مزيدا من الوقت