تعيش مصر كوول مستقرة
!!
!!
مفاعل نووي بحثي مصريربما اكون مقلا في الكتابة عن المشاكل الاجتماعية التى تعصف بالمواطن المصري و هذا لاني مقتنع تماما بأن القوة العسكرية و الاستراتيجية لاي دولة هي ضمان القوة الاقتصادية و الاجتماعية ايضا
و اظن ان مصر تخطو بخطوات واضحة للوصول الى قوة عسكرية مسيطرة في المنطقة العربية خصوصا بوجود ايران المدعومة بروسيا و اسرائيل المدعومة بالولايات المتحدة
خبرين احدثوا كثيرا من الضجة داخل الاوساط الاسرائيلية خصوصا بعد تصريح وزراة الدفاع الامريكية بأن مصر كانت اكبر مستورد للسلاح في الشرق الاوسط لمدة عشرة اعوام حتى يومنا هذا
و ربما شاهدتم بأنفسكم القطع البحرية المدشنة حديثا الى سلاح البحرية المصري و التى وصلت لحوالي 29 قطعة جديدة و بهذا تطمس اي محاولة تقدم في القوة البحرية على مصر
راجع موضوعي عن جيش مصر
بارجة مصرية من طراز مبارك كلاس
المهم
في افتتاح الرئيس لمحطة الكهرباء الجديدة و التى تنتج نفس القدر تقريبا الذي ينتجه السد العالي من الطاقة الكهربائية أعلن خبر هام جدا و هو ان مصر ستبدأ في انشاء مفاعلات نووية سلمية و طبعا هذا القرار جاء بعد قرار اسرائيل بتنفيذ محطة نووية بالقرب من بئر سبع بجوار الحدود المصرية و قال الرئيس بالحرف الواحد
أعلن أمامكم اننا قررنا انشاء سلسة من المحطات النووية بهدف انتاج الطاقة الكهربائية و يجب ان يعلم الجميع ان القوة النووية ليست حكرا على احد في المنطقة
وقال اننى اتخذت هذا القرار الاستراتيجى متحملا مسئوليتى كرئيس للجمهورية
مفاعل ديمونة الاسرائيلي
طبعا القرار ده مهم جدا بسبب انه هيوفر طاقة هائلة لمصر ممكن نصدرها و كمان هيوفر فرص عمل لكوادر هندسة نووية غالبيتها بدون عمل و ممكن يرجع علماء ذرة مصريين بيخدموا دول اخرى
احنا مش عايزين يكون عندنا قنابل نويية و كمان مش عايزين حرب تانية , ده رأيي الشخصي لكل لو عدوي بيعمل كل اللى يقدر عليه عشان يبقى عنده قنابل نويية يقتلني بيها او حتى يفكر يهدد امني و سلامة بلادي ابقى غلطان لو وقفت مكاني و سكت , الرئيس انور السادات في اول السبعينات كان طور صواريخ بعيدة المدى من طراز القاهر و الظافر و دي قادرة على حمل صواريخ نووية كمان الطيران المصري قادر على حمل رؤوس نووية سواء كانت طرازات الاف 16 او الميراج
يجب ان لا ننسى ان الرئيس مبارك اعلن في 1998 ان مصر ستتزود بالسلاح النووي إذا دعت الحاجة لذلك
الخبر التاني كان الانتهاء من اقامة اكبر مجمع تصنيع عسكري في الشرق الاوسط و افريقيا على مساحة 9 الاف فدان في صحراء بلبيس
الخبرين دول ملوا المواقع الاسرائيلية الفترة الللي فاتت و بدأوا يرموا اتهامات بأن مصر ممكن تكون ايران رقم اتنين
شاهد تاريخ المفاعلات النووية المصرية
جندي بجوار مفاعل نووي بحثي مصري
اعتقد ان اشتداد عود قواتنا المسلحة المجيدة هو ما يقوي قرارات مصر السياسية التى اتخذتها في الاونة الاخيرة
اعتقد كمان ان الاخبار دي مش هتوقف الابتزاز الصهيوني لمصر في السنوات القادمة و لكنها هتخليها هتفكر تاني و تالت قبل ما اي واحد يقول منهم كلمة تهديد او وعيد
و اظن ان مصر تخطو بخطوات واضحة للوصول الى قوة عسكرية مسيطرة في المنطقة العربية خصوصا بوجود ايران المدعومة بروسيا و اسرائيل المدعومة بالولايات المتحدة
خبرين احدثوا كثيرا من الضجة داخل الاوساط الاسرائيلية خصوصا بعد تصريح وزراة الدفاع الامريكية بأن مصر كانت اكبر مستورد للسلاح في الشرق الاوسط لمدة عشرة اعوام حتى يومنا هذا
و ربما شاهدتم بأنفسكم القطع البحرية المدشنة حديثا الى سلاح البحرية المصري و التى وصلت لحوالي 29 قطعة جديدة و بهذا تطمس اي محاولة تقدم في القوة البحرية على مصر
راجع موضوعي عن جيش مصر
بارجة مصرية من طراز مبارك كلاسالمهم
في افتتاح الرئيس لمحطة الكهرباء الجديدة و التى تنتج نفس القدر تقريبا الذي ينتجه السد العالي من الطاقة الكهربائية أعلن خبر هام جدا و هو ان مصر ستبدأ في انشاء مفاعلات نووية سلمية و طبعا هذا القرار جاء بعد قرار اسرائيل بتنفيذ محطة نووية بالقرب من بئر سبع بجوار الحدود المصرية و قال الرئيس بالحرف الواحد
أعلن أمامكم اننا قررنا انشاء سلسة من المحطات النووية بهدف انتاج الطاقة الكهربائية و يجب ان يعلم الجميع ان القوة النووية ليست حكرا على احد في المنطقة
وقال اننى اتخذت هذا القرار الاستراتيجى متحملا مسئوليتى كرئيس للجمهورية
طبعا القرار ده مهم جدا بسبب انه هيوفر طاقة هائلة لمصر ممكن نصدرها و كمان هيوفر فرص عمل لكوادر هندسة نووية غالبيتها بدون عمل و ممكن يرجع علماء ذرة مصريين بيخدموا دول اخرى
احنا مش عايزين يكون عندنا قنابل نويية و كمان مش عايزين حرب تانية , ده رأيي الشخصي لكل لو عدوي بيعمل كل اللى يقدر عليه عشان يبقى عنده قنابل نويية يقتلني بيها او حتى يفكر يهدد امني و سلامة بلادي ابقى غلطان لو وقفت مكاني و سكت , الرئيس انور السادات في اول السبعينات كان طور صواريخ بعيدة المدى من طراز القاهر و الظافر و دي قادرة على حمل صواريخ نووية كمان الطيران المصري قادر على حمل رؤوس نووية سواء كانت طرازات الاف 16 او الميراج
يجب ان لا ننسى ان الرئيس مبارك اعلن في 1998 ان مصر ستتزود بالسلاح النووي إذا دعت الحاجة لذلك
الخبر التاني كان الانتهاء من اقامة اكبر مجمع تصنيع عسكري في الشرق الاوسط و افريقيا على مساحة 9 الاف فدان في صحراء بلبيس
الخبرين دول ملوا المواقع الاسرائيلية الفترة الللي فاتت و بدأوا يرموا اتهامات بأن مصر ممكن تكون ايران رقم اتنين
شاهد تاريخ المفاعلات النووية المصرية
جندي بجوار مفاعل نووي بحثي مصرياعتقد ان اشتداد عود قواتنا المسلحة المجيدة هو ما يقوي قرارات مصر السياسية التى اتخذتها في الاونة الاخيرة
اعتقد كمان ان الاخبار دي مش هتوقف الابتزاز الصهيوني لمصر في السنوات القادمة و لكنها هتخليها هتفكر تاني و تالت قبل ما اي واحد يقول منهم كلمة تهديد او وعيد
الباشا منين من مصر ولا من عالم خيالى مين ديه اللى تخلى اسرائيل تفكر قبل ما تبتزنا يا عم الحاج انا عايز افوقك كده و اقولك كلمتين اسرائيل عندها 200
راس نووى وانت ريسك لسة بتكلم اننا نبنى مفاعل سلمى
ومش لاقين مكانة نبنيه فين كمان يا عم صلى على النبى كده واهدى ومش كل واحد بيحب يزبط نفسة ويزبط مصلحة يمسك الطبلة ويطبل
السلام عليكم
ان مكنتش تطلع العين الحمراء هيستضعفونا
والضعفاء لا مكان لهم في هذا العالم اللي بيتزعمه بوش واولمرت
ربنا معانا
البوست ده فيه امل وفى نفس الوقت
خطر على المستقبل
الله اعلم ايه اللى هيحصل ياشرم
بس اكيد هييجى علينا الدور من اى طريقه ومن اى ناحيه حتى لو بالطريقه اللى قولت عليها ايران اتنين او عراق او فلسطين اتنين
ربنا يتولانا برحمته وربنا يوفقنا
اتمنى زيارة مدونتنا ونشرها
www.nor-el-islam.blogspot.com
تفتكر؟؟؟؟
Please!
Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.
The resignation is to stop the evolution. (David Santos in times without end)
Thank you
ياسر
مين ده يا حمادة اللي بيحب يزبط نفسه و يزبط مصلحة و يطبل
لو مكنتش قادر تبقى واعي للكلام اللى بتقوله و تكبر في تعلقاتك يبقى متعلقش
مهند
طبعا كلامك صحيح
الدينا غابة كبيرة و البقاء فيها للاقوى
كيتي
المدونة جميلة جدا
شكرا على مشاركتك
غمض عينيك
اعتقد كده
david
i did sent it before ..
thanks for sharing this ..
هو أولا انا أحب اقول انى مقرأتش كل التعليقات و ممكن اقول كلام متعاد بس اعذرنى لضيق الوقت
احب بس اطرح كام نقطة ... خاصة ان الموضوع دا بالذات تم مناقشتة انا و بعض الاصدقاء فى نموذج محاكاة اليوم ... و سمعت أراء مختلفة اذا اسعفتنى الذاكرة هطرحها كلها بأذن الله
أولا ... سبحانك يا ربى نفس الكلام دا اتقال السنة اللى فاتت و محصلش بعديها أى حاجة !!!!
أصلا أصلا ... من قبل السادات ... عبد الناصر كان بيعمل مشروع نووى و بعث بعثات للخارج ولكن اللى حصل انو اتبنى سور و اتكتبت يافطة و بس !!!
المكان اللى بيقولوا عليه دلوقتى هو الضبعة ... المكان الجديد المفترض ... و اصلا دا ملك لمستثمرين زائد ان زاهى حواس بيقول عليه دا فى اثار !!!
هيئة الطاقة النووية فى مصر او مش عارفة اسمها ايه اصلا ... طالعة بتصوت فى الجرايد ... الرئيس مجتمعش بينا ياخد رأينا ... بس لاحقاق الحق .. حد قال ان مصر لو اصلا عايزة تعمل نووى هتعملة بمساعدة امريكا ... الجانب الفنى او التقنى دا مش موضوعنا !!!
كمان 35 سنة مش هيكون فى يورانيوم تانى ... و هنكون كسبنا صلاة النبى ... دا غير أصلا ان انتاج طاقة النووية دا باهظ التكلفة جدا و هنودى المخلفات فيين !!!!
سبحانك يا ربى ... اتقال فى الصحف اننا هنخصص 60 مليار معرفش هنجيبهم منين للنتاج الطاقة النووية و فى نفس ذات الوقت قللنا ميزانية البحث النووى من 100 مليون الى 50 مليون فقط !!!!!
بعض الاراء بأة بتقول ... اطرحت هذه الفكرة العام الماضى و ها هى تعاد من جديد ... هل لها بعد فسيولوجى ... يعنى ... اتقال ان دا هيمثل مشروع وطنى تلتف حوليه الجماهير و ان دا خير لمصر و مصر بتتقدم بينا و هيزيد من شعبية الحزب الوطنى اللى عمالة تقل يوم ورا يوم ...
اتقال ... ان الخبر نازل فى الجرايد الرسمية و ادامه على طول خبر غرق 124 تقريبا مصرى فى هجرة غير شرعية لأيطاليا .... بالمناسبة دى يا ريت تكتب عن الموضوع دا ... فالناس قالت محاولة تعتيم ....
فاذا اصلا مكناش محددين المكان و لا العلماء هيكون فيين ...
و تساؤلات حول زيارات نظيف لدول زى باكستان و مش عارف ميين و ميين كدا عندهم يورانيوم و طاقة نووية
و بردو فى دول مش متقدمة اوى عندها طاقة نووية .... البرازيل و بلغاريا و و و و اتقال اسماء دول تانية كتير ...
الموضوع ليه ابعاد كتيرة اوى ... خارج فى وقت غريب جدا ... من شخص غريب بردو ...
و بمناسبة اسرائيل اللى اسمها جه فى النص كدا .... أحب أقول كلمة اتقالت من دكتور محترم جدا عندنا ... ان اسرائيل دلوقتى فى مرحلة ما بعد النووى .... يعنى ... اسرائيل عندها نووى من زمان ... بس اللى كان مطمننا طبعا ان اللى هيجرالنا هيجرالها للطبيعة الجغرافية ... اسرائيل الان فى مرحلة انها بتطور قنابل نووية محدودة النطاق ... يعنى تتبعت زى الشطورة تمسح القاهرة و تأثيرها ميتخطاش حتى قناة السويس ...
كمان استحالة استحالة تكون قوة الدولة عسكرية فقط .... استحااااااااالة .... زى منتا مثلا بتقول ... جيش مصر محترم ... بس اللى يبص للعالم الان بتدقيق ... و الشرق الاوسط خصوصا ... دور مصر زمان و دور مصر الان ... وزن مصر زمان و وزن مصر الان ... مشكلة زى السودان ... اللى غاية فى الخطورة بالنسبة لمصر ... النيل و الحدود و بلاوى سودة و مهببة ... مصر عملت ايه ... دور هزيل جدا ... و نسيب حد زى معمر القذافى ... مع احترامى لمنصبه كرئيس دولة شقيقة ... بس كلنا عارفين تاريخه اللى يحسسك ان اعيل عيل فيكى يا مصر اعقل منه .... القذافى عامل مؤتمر و بيساعد و بياخد و بيدى ... الجاليات المصرية اللى متبهدلة فى دول الخليج ... و تحكمات الكفيل بالعامل المصرى ... الهجرات الغير الشرعية و للى بيحصل للى بيتقفشوا فيها ... ايام السادات كان لينا قيمة ... قريت مرة ان اتمسك 7 مصريين تقريبا فى اليونان ... هو شخصيا اتصل و طلب ترحيلهم لمصر ... دا غير الثقل السياسى و الدبلوماسى اللى مصر حظت بيه و فقدته الان ... معانا كروت غير مستغلة ... حتى علاقتنا بامريكا فى تدهور مستمر من تلات سنين ... فى حين ان دولة زى تركيا باقل كروت عمالة تكتسب قوة و ثقل ....
الست كونداليزا رايس بتقول ... انتو سبتوا مصر تقود المنطقة العربية سبعين عاما و انظروا اين انتم الان ... اعطوا الفرصة لأسرائيل و لو لعام واحد ... دى كلمة قالها موجه المجلس ... البنت اللى هتنزل فى المؤتمر المحاكى لجامعة الدول العربية بتاعنا و واخدة وفد اسرائيل ... قالت و الله معاها حق ... اسرائيل متفوقة علميا و صناعيا و ( نوويا) ...
حاجة تانية بس اذا سمحتلى اقول عليها استفزتنى ... انت بتقول اسرائيل مدعومة بامريكا و دى عرفناها و لو ان الحكاية اختلفت شوية بعد غزو العراق و مبقتش اسرائيل شرطى المنطقة ... بس هنقول ماشى معاك فيها ...
انما ايران مدعومة من روسيا ... اهو دى اللى منعديهاش ... ليه حضرتك ... لأن امريكا مش وزن روسيا دى حاجة ... مساندة روسيا لأيران دى حاجة فى موضوع معين الا وهو الملف النووى انما امريكا بتدعم اسرائيل على طول الخط ... روسيا و الصين و دول حوض بحر قزوين مساندين لأيران ... و بسبب ... مش عمال على بطال زى اسرائيل
دا غير ان ايران ليها حق الناس دى تساندها ... انما روسا و الصين هيساندونا ليه بالصلاة عالنبى ... حتى مش بندور على دول افريقية نعمل اتفاقيات و معاهدات (محترمة) ليها وزنها ...
و كفى هذا القدر من الرغى ... و ارجو انى لم اسبب اى ازعاج لحضرتك يا فندم
سلام عليكم
اه نسيت اقول ان فيه واحد فى هندسة القاهرة ليه صاحبة فى هندسة اسكندرية الكلية الوحيدة اللى فيها قسم نووى ... بيقول على طلبة القسم النووى ... عبط الكلية
أولا..حمد الله ع السلامه
أتمني فعلا أن نستفيد من هذا الموضوع و انه ميكونش مجرد فرقعه علي طريقه توشكي و أخواتها
تحياتي
هند
عزيزتي
عبد الناصر فعلا بنى مفاعلين بقدرة 22 ميجا مساعدة فرنسا و هما موجودان الى الان و لكنهما يعملان في اطار بحثى فقط و ليسا سور و يافطة فقط
انتاج الطاقة النووية باهظ التكاليف لانه يوفر طاقة اكبر بكثير جدا من اي مصدر اخر يعنى الماصدر التانية ممكن تستفيد بيها مئات القرى التى تصلها الكهرباء نص يوم
البرازيل ؟
يا ريتنا نحذوا حذوها
ليس في كرة القدم و لكن سأخبرك معلومة جديدة
البرازيل واحدة من ضمن 8 دول في العالم فقط تستطيع اطلاق اقمارها الصناعية بنفسها
صور بورت ريكو اتملت ناطحات سحاب و منظرها بقى يفرح بجد
اسرائيل ؟
اكبر اكاذيب الحرب النفسية ممكن تتقال من دولة كاذبة زي دي
يقولوا عندهم نووي يقولوا عندهم بلاء ازرق المهم اننا نقدر نسبقهم لو عايزين زي ما هما سبقونا مع انهم بدأوا من الصفر
معاكي حق في دور مصر السياسي و القيادة التى تنساب من ايادي المصريين رويدا رويدا .. انا معاكي تماما في النقطة دي
دعم روسيا لايران قصدت به الدعم العسكري و ليس الدعم السياسي , روسيا ستظل الضد لامريكا و لكن من يبتغي امريكا
و بصراحة بعترض على ان امريكا مش وزن روسيا .. يمكن سياسيا معاكي حق لكن عسكريا روسيا لا يستهان بها ولا بما تصدره من اسلحة
هما صحيح بقهم واسع و مش بيدوا حاجة لله لكن طول ما ايران بتدفع طول ما هما بيدوا
اشكرك جدا على تعليقك المميز
مايكل
انا ايضا اتمنى ذلك
مع كامل تقديرى لردك ... بخصوص نقطة اسرائيل ... بالعقل كدا ... دولة عندها نووى من وقت قريب او بعيد احنا منعرفش ... هل هتفضل مستنينا بأة ايران و لا مصر على بال ما يفتكروا يجيبوا نووى و نبتدى سباق التسلح النووى و لا هيشتغلوا و يطوروا .... على الاقل نعترف اننا محتاجين وقت عشان نوصل للوصلتلوا اسرائيل ... دا غير بعض الحاجات اللى بينتها حرب لبنان ... كل البيوت فى اسرائيل لازم يكون ليها حاجات تحت الارض مش فاكرة اسمها ايه كدا و بيهتموا بيها جدا أصلا ... ناس مستعدة للحرب من الاخر ... حرب نفسية ... ليه لأ ... بس برده منستهينش بدولة تعليمها و اقتصادها احسن مننا ... نحاول نطور من نفسنا ... نسيب الموضوع دا لجهاز المخابرات بأة عشان منقلبهوش حلقة افتاء ...
مردتش على نقطة انهم مش لاقيين مكان
معبرتش نقطة ان اليورانيوم خلاص ... بيخلص من الارض
مجتش ناحية ميزانية البحث العلمى النووى اللى اتخفضت
بس احب اقول انى بجد هكون اول واحدة مبسوطة جدا اذا بلدنا باة فيها نووى ... بس نحسب الخطوة قبل منخطيها ... ماية توشكى بيتبخر نصها على بال ما يوصل يا جماعة ... و فيين الوعود الوردية الجميلة اللى اتوعدنا بيها ...
دا اصلا غير ان فرقعة النووى دى طالعة امتى ... طالعة فى الوقت اللى حسنى مبارك بيقولنا ... ابنى اهو ... اعملوا اللى تعملوه ... هو اللى هيمسكوا بعدى ... حاجة تغطى على حاجة ...
مبصدقش اي حاجه حلوه للبلد تيجي من وش مبارك و اكيد عاملها سمعه لنفسه و لابنه علشان يقولوا انه قبل ما يموت كان بيفكر في البلد
بوست رائع
و كلامك سليم جداً
أنا أسعدني الحظ بالعثور علي مدونتك الجميلة
دي أول زيارة لي لكن بكل تأكيد مش ها تكون الأخيرة
و على فكرة فى حاجة انت نسيت تقولها
مصر الوقتى فى سبيلها لكشف الخريطة الوراثية كاملة
ده حتى فيه خبر بيقول و صدق القول من مصادر موثوق فيها ان مصر هاتبدأتخلق بنى آدم حقيقى من لا شىء
ايوة بنى آدم حقيقى
لو و فيه لجنة بتبحث فى تطوير الروبوتات أكتر ما أمريكا وصلت
انت على فكرة بتستهزء بقيمة مصر انك ما زكرتش الحاجات دى
الباحث لازم يلمك بكل المواضيع
تحياتى
خد بالك فى المرة الجاية
http://osamaislamic.blogspot.com/2007/11/blog-post_05.html
ظريف انك تطلع على الرأى الاخر هنا
Sharme, why reason had removed mine posting of the WUB? I want to know! Thank you
هند انا ماليش دعوة بحسنى مبارك او جمال مبارك انا لية دعوة بمصر .. انا و انتى و غيرنا
بالنسبة للمكان فالعلماء المصريين كانوا حددوا حوالي 28 موقع و العلماء الاجانب حددوا انسب 3 مواقع من ال28 و اولهم الضبعة
اليورانيوم بيخلص من الارض و البترول كمان بيخلص .. انتى نسيتي ان 64% من طاقتنا مولدة من مولدات تعمل بالنفط
ميزانية البحث العلمي هترتفع عاجلا ام اجلا عشان المشروع ده يستمر و الا فلن يكتب له النجاح ابدا
ذو النون
يخرب عقلك .. تعليقاتك دايما تحفة
هههههههههه
اسلام
انا معرفش الحاجات دي اصلا ؟؟
عندك مصدر للاخبار دي ؟
هند
الدنيا اختلافات
لازم نبقى مختلفين في الرأي
david
I check the matter , no one remove your post , it is still available to all the readers ,,
السلام عليكم
ازيك يا احمد
طبعا كان نفسى تكون الصورة مشرقة اوى زى ما انت شايفها كده
بس مع الاسف الصورة غير كده خالص:( مش تشاؤم ولكن حقايق
ماتفتكرش ان امريكا هتكون عارفة ان مصر بقت قوية و هتسبها...الحداايا مش بتحدف كتاكيت ...صدقنى ...دول بيعلموا معانا زى ما الام بتعمل مع ابنها عشان تاخد على اد عقلة...تجبله مسدسات لعبة و رشاشات و دبابات...وهى عارفة ان الحاجات دى كلها لعب اطفال..وهو يكون فرحان اوى ومصدق نفسه
امريكا كده معانا....امريكا بالنسبلها الحاجات اللى احنا عمالين نشترى فيها دى...لعب اطفال... بالنسبالهم الاسلحة النووية بقت حاجة قديمة...دول دخلوا على البيولوجية كمان :(
اما بالنسبة لحكاية
يجب ان لا ننسى ان الرئيس مبارك اعلن في 1998 ان مصر ستتزود بالسلاح النووي إذا دعت الحاجة لذلك
بجد حاجة تضحك اوى....مش عارفة الاقى مثل مناسب يشرح الموقف ده...بس يلا هو الكلام بفلوس:ي
يا بنى مصر لو بس فكرت ..مجرد تفكير انها تعمل سلاح نووى ...مش هناخد فى ايدبهم غلوة....احنا مش زى ايران...امريكا ليها فى نص الرغيف اللى المصريين بيكلوه كل يوم... واكبر دليل على تدخل امريكا فى كل حاجة...ألانتقادات اللى بتقدمها كل سنة الادراة الامريكية وزيارات رايس ..أللى تحس انها فى مأمورية تفتيش.
بالنسبة لخوف اسرائيل و الجرايد اللى اتكلمت...دول عالم زى الفيران ..ماحصلوش الفيران اصلا
وفكرة المؤامرة مسيطرة عليهم فى كل حاجة
بس ارجع واقول
لا تلم امريكا على قوتها
ولا تنتقد اسرائيل فى حفاظها على وجودها
ربنا يستر على مصر...احنا ماشيين بالبركة و جنب الحيط
يلا بقى معلش طولت عليك
تحياتى
Excuse, Sharme, but first posting with three photos was removed.
Later I came back to only make another one with a photo, but the first one was removed, because I saw well.
But this does not have badly, will be always old friends.
Until always
David Santos
نرمين
مفيش حاجة تدعوا للضحك
يكفي ان تعلمي ان من اوقف اسرائيل عن سيناء في 1973 ليس قوة الجيش المصري فحسب و ليست قلة مساندة امريكا و لكن كانت بسبب الرؤوس النووية الروسية التى عبرت مضيق البسفور متوجهة الى مصر
التكنولوجيا النووية ليس بالشئ الصعب في يومنا هذا و السلاح النووي ليست بالشئ المستحيل بالنسبة لاي دولة نامية فلا حاجة لتضخيم اسرائيل و اعطاءها اكبر من حجمها و التحدث ان جيش بلادنا هامش لا حول له و لا قوة
---
ملحوظة : السلاح النووي احدث من البيولوجي و ليس العكس
على باب الله
اهلا بك دائما يا صديقي
الان و في اي وقت
david
if something deleted , believe me it must be a mistake , we never delete any post about any topic , even it was against me personally , but may be some awful photos deleted by our moderators , there is a photo in your post and i didn`t saw any other photos , if you post more than photo of this kind of violence rap photos i think it had been deleted by moderators ..
السلام عليكم
.........
بجد انا مش عارف اقلك ايه ولا هقدر اضيف شىء
لكن ربنا يبارك فيك وبجد انا بستمتع فى البلوج هنا جدا
وأتمنى لك دوام الصحة والتوفيق
تحياتى
يوسف
شكرا على تعليقك المحترم
دمت بخير
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
شارم
السلام عليكم ورحمة الله وبركاته
لا أخفى سعادتى أنك تتبنى دائما الجانب الأبيض الإيجابى فيما يتعلق بجيشنا وبمصرنا الحبيبة
وإن كنت لا أخفى أنى أتمنى أن أشعر بمثل أملك وتفاءلك ، أعرف كثيرين فى الجيش منهم من يقول أن لدينا جيشا قويا
خاصة سلاح الطيران
ومنهم من يقول لا ؟
لا أريد أن أتحدث عن ميزانية البحث اعلمى ووضعه فى مصر ، إضافة لكونى باحث ... قمت بعمل تحقيق صحفى قبل ذلك عن البحث العلمى فى مصر وأخذت الكلمات من أفواه الأساتذة فى الجامعات
ولم تكن النتيجة مرضية ؟
لا أحبلذ عادة النقد حين أجد نظرة متفاءلة ، وإنما أحبذ أن أقول وأنا مع كل تغيير وكل جديد نحو الأفضل
نحن أبناء هذا الوطن لا نتمنى له سوى الخير ، لذا لا نريد سوى بوارق النور
تحياتى على كلماتك الرائعة المحفزة
خاصة وأنى كنت قرأت بوستك السابق عن الجيش المصرى
وألهبنى حماسا
سر فى هذا الطريق يا صديقى
السلام عليكم ورحمة الله وبركاته
شكرا يا وينكي
اتمنى اني اقدر احضر
اسلام
ان الامم تنهض ان دب فيها حماس القوة و ان كانت ضعيفة و تتخاذل ان علا عليها صدأ اليأس و ان كانت قوية
أنا جااااي
يا اهلا
بص يا توتى
انا فايق للى بقولة
لكن انت فوق للى بتقولة
بص لكلامك
هتلاقى
طبلة و رق
ورقاصة
وفرقة حصبلة فى السكة
مسر المستقرة النوويه اللى بتتكلم عليها ديه ممكن تقولى هى فين على الخريطة
الشعب الجعان اللى مش لاقى ياكل ولا يلبس ولا يتعالج ولا يتجوز ولا يشتغل
وبعد كده تقولى مستقرة
وتقولى نووى
عندك 39 فى الميه من الشعب تحت خط الفقر بيعيش باقل من دولار فى اليوم
عندك اعلى معدلات سرطان وكبدى وبائى وفشل كلوى
شلل اطفال فى اربع دول بالتاكيد منهم مصر
ادويه فاسده
اكياس دم ملوثه
مبيدات مسرطنة
دقيق مسرطن
فساد ادارى
رشاوى
توريث
تعذيب
اضطهاد دينى للمسلمين والمسيحين
بطالة
قانون طوارئ
تعديلات دستوريه متفبركه
ازمالت مياة الشرب فى بلد النيل
طرق جميلة وكلها حفر
كرامة مهانة فى دول اخرى
غرقى على شواطئ ايطاليا وبلبطه على شواطئ مارينا وشرم والغردقه
انحدار فنى ورياضى واخلاقى
عايز كمان ولا ايه كفاية
************
تقدر تقولى فين الاستقرار اللى بتتكلم عليه الا لو بتقصد الاستقرار فى شرم الشيخ يمكن هناك فى الدولة البعيده ديه ممكن يكون فيه استقرار
ما تزعلش من كلامى ازعل من كلامك انت
يسورة الامورة
يعنى البلد بايظة و مفيهاش حاجة حاجة حلوة في نظرك خلاص
هو كل واحد يقول ان في حاجة حلوة في البلد يبقى بيطبل و يزمر
والله كل يوم المعارضة السياسية في مصر بتنزل من نظري بسبب كلامها الرخيص
عموما يابن الناس انا لا تبع الحزب الوطني و لا تبع كفاية و لو كنت بتعرف تقرا كويس كنت لقيت ان كتاباتي ضد الاوضاع في مصر كتيرة
اكبر شوية عيب كده