السلام عليكم
صدق قلمك
كلام فعلا كنت نفسي اقوله
بس ما قصرت
ولو اني في حاجه في النص مش مقتنع بيها
بس لا يوجد لدي دليل علشان اجادلك
تحياتي
مهند المصري

اكيد يا مهند هتجادلني في تصرف سيدنا عمر بن الخطاب

ده اللى موجود في الكتب اللى اوردت اساميها

عموما كل نساء المسلمين اليوم احرار و لسن اماء

لذا فالحجاب واجب عليهن حتى و ان اختفى ما يستوجب التفريق

اخي الكريم

الرجاء المشاركة معنا في حملة الافراج عن شيخ المجاهدين

التفاصيل في مدونتى

تحياتي

على فكرة موضوع الحرة والأمة دة عجيب شويتين
كيف يفرق الإسلام فى الدين والفرض بين الأمة والحرة؟

وبعدين الحجاب زى ما انت قلت هو حجاب النفس اولا وقبل كل شىء

لكن انا معاك هو ان كل واحد حر وان حرية ارتداء الحجاب يجب ان تكون مكفولة مثل حرية العرى تماما
تحياتى

احمد باشا
اولا اشكرك علي طرح الموضوع القيم جدا

لابد ان نفرق في النقاش بين الاصول
والفروع
فمن الممكن ان نختلف علي اي شئ من الفروع انما الاصول هي غير قابله للنقاش او الجدال

بجد بجد بجد
انت عامل مجهود حلو قوى فى البوست ده
والغريب انهم فعلا بينادوا بالحريه
الشخصيه بس برضه بمكياليين
اللى يمشى على غيرنا ما يمشيش علينا
فلقد اعترض احد اعضاء الكونجرس وخرج من القاعه عندما تليت بعض ايات من القران ليظهر مدى التمييز الذى يتعاملون به معنا كمسلمين
و الحجاب يجب ان يكون حجاب اخلاقى قبل ان يكون مجرد زى
فان منظر بعض الفتيات المحجبات هذه الايام هو مسىء جدا جدا ويتدرج تحت بند التمييز لا اكثر ولا اقل
اما من اختارت الحجاب بعد دراسه واقتناع وجاء الحجاب سلوكا ومظهرا فهنيئا لها
تحياتى لك

عزيزى مهند

اعبر عن اعجابى الشديد بعرضك للموضوع من عدة جوانب و مخاطبة كل شخص بحجته

و اعتقد ان الفكرة الرئيسية التى تحل جميع الاشكالات هى تتلخص فى عبارة واحدة

"الحرية الشخصية طالما هذه الحرية هى حرية مسئولة لا تؤذى المحيطين ماديا او معنويا"

و فى نفس الوقت لا يجب احد ان يعين نفسه قيما على الاخرين ففى النهاية الله هو الذى سياحسبنا عن اعمالنا

تحياتى

أنا ما بقتش بستغرب من تصرفات الغرب و مفاهيمهم و تناقضهم لإن ده شيء واضح و مفهوم فيهم

اللي بستغربله هو ظهور عناصر عربية بتنادي بنفس التناقض و التخلف الفكري ده

أما عن سؤالك "الحجاب عادة أم عباده".. فهو عباده مع الزمن للأسف يتحجول لعاده وده اللي ممكن يفسرلك عدم إلتزام محجبات كتير بحجابها

لإنه تحوّل جواهم لعاده بعد ما بدأ عباده قوية يعلّمهن العفةو الحياء

مجهودك رائع و يستحق التقدير لدرجة الإنحناء

تحياتي

السلام عليكم ورحمة الله وبركاته

الايام دي اي حاجه تصتبغ بصبغه اسلاميه لازم تتهاجم بسبب وبدون سبب فقط لانها اسلاميه ، الحجاب موجود من زمان اوي في اوروبا وامريكا وماسمعناش عن الحرب دي الا مؤخرا ، ففي عالم ما بعد 11/ 9 اسلامي= ارهابي
ويالتالي يجب محاربة اي شئ اسلامي

وللاسف بنجد ناس داخل العالم الاسلامي نفسه ماشيين مع الموجه وبيرددوا نفس الكلام زي الببغانات ،
بس ربنا المنتقم الجبار اكيد هاينتقم منهم وياخذهم تخذ عزيز مقتدر

انا شكلي اتاخرت وفاتني بوست بس رحت شوفتة

انت بصراحة بتتعب في البوست وبتدية حقة وبتدعمة بالصور ودة شئ رائع

الموضوع الي بتتكلم عنة بتاع الحجاب

انا طبعا بعتبرة فرض فرض

اما اذا فية حد مش بيعمل الفرض دة فطبعا لية وزر زية زي اي ذنب تاني

وحتي لو فية حد اعتبرة حاجة صغيرة مش مهمة نقولة لا تنظر الي صغر المعصية ولكن انظر الي عظمة الخالق

اما تحول الفرض الي عادة وان البنت تكون لابسة ما يشف او يجسد وتلبس حجاب

في منتهي التناقض وساعات بضحك انا

عندنا تلات انواع

وحدة مقتنعة بالحجاب كفرض وكمان عادة وربنا رزقها ببلد مفيش حد يمنعها تلبس الحجاب فدي نعمة من عند ربنا

ووحدة واخد الحجاب عادة ومش ملتزمة دينيا وممكن يكون موضة وخلاص وممكن علشان تخلي الناس تقول عنها انها محجبة

ووحدة بتصرخ علشان تتحجب وتتمنع منة ومع ذلك بتلبسة وملتزمة دينيا وخلقا

ووحدة ملتزمة دينا ومش متحجبة وحاسة انها غلطانة

ووحدة ملتزمة دينا ومش متحجبة ومش شايفة غلط فدة دي نناقشها

ووحدة متبرجة وبتمشي شبة عارية وبتستعرض بمفاتنها ومش ملتزمة دينا ولا خلقا نقولها انتي الي اخترتي كدةسلعة رخيصة خسيسة وهيتلم عليها الذباب ومصيرها تبقي زي الجيفة

يبقي مين في وجة نظركم احسن

الموضوع واضح ربنا يهدي

انا مستعد احلف ان البنت الي لابسة الحجاب بتكون اجمل من التانية

بطبيعة الرجل بيحب التشويق

المكشوفة دي كلها اية باقي منها للتشويق

هممممممممممم

طيب السلام عليكم ورحمة الله وبركاته

انا بحب فولتير تخيل.؟؟

وبعشق الفلسفة الاسلامية ...


والفلسفة بشكل عام وان انت مرجعيتى اسلامية بحتة وهذا لا جدال علية

ولكن من قال لك اننا لم نتحرك

قد لا تعلم ولكن الجميع تحرك يا شارم بحق الجميع وقتها تحرك

من قال ان الحجاب تخلف؟؟؟

من قال ان من حرية الراى ان يحدث ما يحدث ان للحرية نفسها يا شارم حد والا اصبحت فوضى وليست حرية


وكلامك على سيدنا عمر ابن الخطاب انا حاسس انة دخيل بجد

يعنى لو شلتة هايبقى احسن لانة هايبين وجة غير الى تقصدة وان كانقناعتنى ترفض تصديق ذالك الحدث

عمر ابن الخطاب الفاروق يضرب امراة لانها محجبة؟؟؟

ا وكمان ضربها فاسقط الحجاب عن راسها اية دة يعنى؟؟؟؟

بجد يا شارم دى الى فلتت منك

ومعتقدش ابدا ان دة صحيح وان كنت هارجع لكتب السلف واجبهالك



عجبنى المقال جدااا ولكن عفوا لا تضع البيض كلة فى سلة واحدة

مش كل المدافعين عن حرية الراى

مغيبيبن وهبل وكدة

صدقنى

تحياتى

صاحب البوابة

اهلا بك يا صديقي بس انا ماليش في السياسة

تصفيق حاد يا شرم

انا قرأت تقريبا كده مدونتك كلها قبل ما ارجع عشان اعلق هنا وكنت صراحه عاجبني موضوعك جدا لكن فيه كام حته كده مش بالعهم وقلت ده تلاقيه واحد عايز يتفزلك ويطلع الحجاب في الأخر مالوش لازمه ويدعونا ان احنا نرميه
بس لقيت ان انت شخصيه تانيه خالص يعني ملين نشاطات واهتمامات من تمثيل لكتابه لحاجات تانيه حسيتها في كلامك
المهم يا اخي ان زي ما في بنات محجبه ومش كويسه
برده فيه بنات كتييييييييييييييير محجبه وعارفه قيمة الحجاب اللي على رأسها
وعلى الطرف الأخر فيه بنات مش محجبه برده كويسه جدا ومتربيه جدا بس للأسف اهلها مش مهتمين بالحجاب فاباتالي لسه هي كمان معرفتوش
وطبعا فيه النوع الأخير اللي لا هي محجبه ولا هي محترمه ولا اي حاجه خالص
وعندي ليك نمرة كام موزه ابقى تعالالي اعشان اديهوملك
اصلي ناوي اتوب واتجوز

ياسمين

بالعكس لم يفرق
فالراجح الذي عليه الدليل : أنَّه لا فرق بين الحرَّة والأمة في عورة مالا يظهر كالصدر والظهر والساقين .
فلا يجوز للأمة أن تبدي صدرها أو ساقيها ، ولا يجوز لغيرها النظر إليهما.
أما الوجه واليدان والرجلان فبينهما فرق ، فيشرع للأمة إبداؤه ، ولا يجوز للحرة كشفه .
وهذا القول هو قول أبي محمد ابن حزم الظاهري وأبي العباس بن تيمية وغيرهما من المحققين رحمهم الله تعالى أجمعين .

فهذا الحكم تخفيفا على الامة لظروف عملها

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

محمد مفيد

نحن نناقش الذين يعتبرونها من الفروع

loumi

هل ممكن يخرج عضو مجلس شعب من الاخوان كمان من قاعة البرلمان لان عضو مسيحي تلى بعض اعداد من الكتاب المقدس ؟؟

اعوذ بالله من تعصبهم

hesham

اهلا بيك و مرحبا بك ضيفا جديدا علينا

و لابد من وقفة نظام لنرد على شخص بحجته

لكن سؤال بسيط

مهند مين ؟؟

هنودة

والله العناصر العربية دي اخطر 100 مرة من اي منادى غربي بنزع الحجاب

لانها عاملة زي طابور خامس داخل الوطن بتحاول تهدم قيمه الدينيه

خمسة فرفشة

رب ضارة نافعة

بسبب الهجمات على الحجاب , كثيرا من الناس اهتممن بحجابهن و كثيرا من غير المسلمات قرأن عن الحجاب فدخلن الاسلام بسببه

كراكيب عادل

صدقنى انا كمان بحس ان البنت المحجبة اجمل كتير من البنت غير المحجبة

غزالي

عزيزي

مبدأ حجاب الامة موجود و معروف
ما قصدته ان تختار الانثى قبل ان تتحجب

اما ان تكون حرة او تكون أمة

و انا لم اقصد ابدا ان اقلل من شخص الغزالي او تفكيره

اعذرني ان فهمت ذلك

انا اتحدث عن من يسمون انفسهم مدافعين لحرية الفكر

و تحركوا لحرية الالحاد و لم يتحركوا لحرية الاسلام

ان لم تكن منهم فلست ان المقصود بالطبع

قنديل

شكرا عزيزي

شنكوتي

اهلا بك و الف مبروك على الزواج
.. انتم السابقون

كلامك صح و مظبوط و لم اقصد طبعا ان اجعل الحجاب من الفروع لكن اقصد تبيين ان الحرة يجب ان تكون ملتزمة باخلاق الحجاب قبل ان تتحجب

فلا تكون محجبة سيئة السمعة مثلا

مهرتل

ناقص كلمة و عجبي

!!!

كنت قلقانه تكون تقصد بالصوره الكاسيات العاريات
قلت استنى ردك الاول بعدين اعلق
أنا عارفه ان فى كتي من حجاب اليويمن دول مش بالمعنى الشرعى للحجاب
ومدركه تماما انه مينطبقش عليه الحكم الشرعى لحجاب المرأه
لكن انا بعتبره ستره للمرأه من نظرات الغير
ومتفقه معاك تمام فى كل كلمه قلتها فى البوست
وأعتقد ان مبقاش فى إماء اليومين دول علشان نتكلم على حكم الأمه فى الحجاب
اعتقد ان المسلمات حاليا أحرار لذا يستوجب عليهن ستر نفسهن على الأقل
وحمايتها من فضول ونظرات الغير
بوست مميز يا شارم
تحياتى

remoo

الصورة اللى اوردتها يا ريمو و المتكرره عندك هي التى احترمها و هي التى اعتبرها حجاب اسلامي محترم

يوم ما يبقي الحجاب فعلا بحرية البنت
ساعتها أدافع عنه
أنا رايي إن الحجاب الموجود عندنا غرضه سياسي مش ديني
عشان كدا أنا مش بعتبره حرية شخصية

أما عن التمييز في الدفاع عن الحرية
ف ببساطة ... الموضوع مصالح
لو مصلحتي مع الحرية هدافع عنها
لو الحرية ضد مصالحي يبقي بلاش منها
هو دا المبدأ اللي للأسف موجود

صدقني مش الحجاب اللي هيمنع الراقصات وفتياة الليل
تحياتي

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

عجبنى طريقه عرضك جدا للموضوع بجد
اللى مش محجبه لما تلبس اى شئ مش بتلفت نظرى لانها اصلا واضحه مع نفسها لكن التى ترتدى الحجاب وترتدى البنطلون الضيق والبادى القصير ونصف شعرها ظاهر كيف تسمى نفسها محجبه وكيف تنضم لصفوف المحجبات انا لما فكرت اتحجب قررت ان يكون سلوكى يعبر عن حجابى لان المحجبه بتكون صورة للاسلام لان الحجاب من فروض الاسلام على المرأة فالتى ترتديه بتقول انا مسلمه وتبدأ الناس فى التعامل معها من هذا المنطلق ولكنهم يتفجأوا بما لم يتوقعوه منها وطبعا يقول العيب فى الاسلام حاشا لله ايضا الرجل الملتحى يجب ان يراعى اللحيه التى على وجهه لانها ايضا تميزة عن غيره انه مسلم ملتزم

allien


الحجاب اللى موجود عندنا طبعا اغلبه ديني الا قليل القليل

لو كنت فاكر انى اتقد ان الحجاب هو اللى هيمنع الراقصات و فتيات الليل يبقى انت مقرتش كلامي

انا قلت ان اخلاق الحجاب هي اللى هتمنعه انما الحجاب كحاجة بتغطي الشعر مش ممكن تمنعه

david

May someone find her soon ..

رفقة عمر

اختى في الله شكرا لوجودك بيننا

ذكرتيني بموضوع اللحية
ان شاء الله في الطريق

أولا عايزه أحييك فعلا يا أحمد علشان إنت بتعبر بالصوره قبل الكلام ... ثانيا بالنسبه لموضوع البوست فإنت أوجزت وأفدت
مش هضيف حاجه علي كلامك لأنك تقريبا شرحت الموضوع من كل الجهات..ووضحت معني الحجاب الحقيقي وهو أن يبدأ من الداخل ليظهر في المظهر الخارجي... وللأسف أن كثيرات يرتدون الحجاب بحكم العاده وتكون الأخلاق منافيه له تماما
حكايةسيدنا عمر دي أنا سبق وقرأتها .. لذلك لن أبدي تعجبي منها لأني واثقه من صحتها ... وفي كاتب معين كان يجادل في أنه لا وجود للحجاب و إستخدم هذه الواقعه كحجه

سلاماااااااااات

reri

اعرف هذا الكاتب تقريبا
و كان ناشر الكلام في موقع كفاية
و كلامي مقتبس منه بالتحديد

لسبب بسيط

انه اراد به الاضلال

و انا اود ان اعرف الناس ان هذا الذي قصده هو حكم حجاب الاماء

ليس اكثر

تعرف

بأحب موضوعيتك في الكلام
بأحس إنك بتجهز البوست كويس قبل ما تنشره

نيجي بقى للموضوع
أنا مش عارف أعترض على الكلام اللي انتا أوردته عن سيدنا عمر بن الخطاب و لا لأ لأن الحاجات دي بتبقى عبارة عن قصص متواترة و ما نعرفش صحتها من عدمه و مش زي الأحاديث مثلا نقدر نعرف صح مطلق أو خطأ و لذلك مش هدخل في الحتة دي

بالنسبة للعالم اللي بتقول إن الحجاب تخلف و رجعية ييجوا يشوفوا الدكتورة فوزية الدريع الباحثة في الطب أو الست التانية السعودية اللي كرموها في أمريكا ضمن أبرز تلات علماء السنة دي و كان في كمان واحدة السنة اللي فاتت طلعت استلمت جايزتها بالنقاب كمان

تانيا:
البنت اللي بتتحجب بعد ما يكون أساسها الديني و تربيتها صح في الأول أكيد هيبقى لبسها محترم و دا هينعكس كمان على تصرفاتها
لكن لو واحدة واخدة الحجاب موضة مثلا أكيد مش هتلاقي تحجيبتها بالشكل المحترم اللي احنا عارفينه أو إنها بتكون بحجاب و برمودا عادي جدا

تالتا: أنا ما أعرفش حكم الحجاب تماما إيه بس يبدو من كلامك إنه المفروض يبقى فرض لأن الستات كلهم دلوقتي أحرار و دة استنادا لموقف سيدنا عمر طبعا

لكن اللي قصدي أقوله إن الحملة الشنيعة اللي بنشوفها في مصر ضد غير المحجبات هيا حاجة غبية بجد
لأنها ببساطة بتنفر من الموضوع علما إنه لو الموضوع جه بالتسامح و الدعوة الرقيقة من الأقارب و الأصحاب و الزملاء كمان هيبقى أحسن بكتير

و مشكلة المشكلات في مصر إن اللي مش محجبة بيفتكروها مسيحية على طول

تحياتي

انا مش عارفه هو كلام الامه والحره ده صح ولا غلط بس انت اكيد جايبها من كتب فانا والله لو عندي الكتاب كنت شفتها انا مش بشكك طبعا في كلامك بس انت متأكد ان كلام الكتب ده موثوق فيها ولا لأ
............
بص هو اكيد ماينفعش واحده تلبس الحجاب وهي اخلاقها مش كويسه المشكله انهم بيلبسوه وبيشوهوا الاسلام بالتصرفات الغريبه اللي بيعملوها
وكل واحده فعلا ليها حريه الاختيار

دا الواحد بيشوف عجايب فى اللى لابسين الحجاب
دا يعنى لو قلنا عليه حجاب بالمنظر دا

بس بجد ربنا يجزيك كل خير على الموضوع دا لانك فعلا اثرت قضية شائكة
(ياعينى عالمجمع اللغوى:)))

وياريت الكل يفهم معنى الحجاب صح
لانه مش مجرد قطعة قماشة لمجرد الحجب
دا سلوك والتزام واحترام للذات قبل اى حاجه وفخر بانتماءنا لاعظم دين
وربنا يصلح الاحوال ويهدينا دايما لكل خير

تحياتى وتقديرى الشديد ليك

محمد فوزي ال ربيع

ما هو اكتر حاجة مخوفاني ان الحجاب يتحول من الفرض الديني الى عادة للتميز كالصليب مثلا و دي مشكلة كبيرة

الحجاب ليس عادة انما عبادة

وشوشني

والله اللى تتصرف غلط يبقى الاسلام منها برئ

الاسلام واضح و صريح

هلا صرصارتنا

و مبروك على البطريق الجديد

السلام عليكم ورحمة الله وبركاته
شارم
اخي في الله ياليتك ما كتبت الموضوع من الاساس
1- رواياتك المنسوبة لسيدنا عمرو بن الخطاب حتي لو كانت صحيحة فهي ليست دليل علي أي مما ذكرته لأن النص القرأني عن الأحتجاب واضح وقاطع وصريح لا يحتاج الي تأويل او تفكير فأن كان عمر بن الخطاب فهم ذلك حقاً , فهو بشر كلامه مردود , يخطئ ويصيب
اما النص القراني فلا جدال فيه
2-الصور العارية التي أوردتها في الموضوع لا تتناسب مع ما طرحته من موضوع يمس عقيدة المسلمين
{ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ }الحج32

أساساً نشر الصور المركبة أو حتي لو كانت حقيقة لمحجبات بهذه الأوضاع , هو برمجة سلبية لكل من يراها
فمعذرة توخي الحذر , حتي وأن كانت نيتك ومقصدك خير طبعاً
ولكنه مش كلام والسلام

أنا ليا وجهة نظر تانية في الموضوع بس موافقك علي اعتراضك علي التفرقة في الدفاع عن حريات ناس تافهة وعقولها فاضية وعدم الدفاع عن انسانة متمسكة بجزء من دينها وليها شخصية مستقلة ...
بس عايز أعترض وبشدة علي حاجة حاسس إنك بالغت فيها
صور المحجبات في البوست ده أغلبها فيها تطرف ..باستثناء أخر صور اللي بتقول فيها إن الحجاب مش بيمنع من العمل أو الرياضة
لكن في صور الحجاب بيكون واسع أوي ومبالغ فيه أوي ..وفي صور حاططها وهيا عبارة عن دعاية مضادة للحجاب ..يعني أول صورة ..منظر البنت مجرد عاهرة ..إيه اللي يخليها تلبس الحجاب ..دعاية مضادة..وكذلك اللي بتخرج من بيتها لابسة الحجاب كويس عشان تسكت أهلها ...وبعدين تفكه وتعيش حياتها ..
معترض أوي علي إن حطيت كذا صورة بالمعني ده ..واحدة تكفي ..لأن أغلبهن يا إما عاهرات بيعرضوا جسمهم مش أكتر يا إما مبالغات في التحجب ..
تحياتي علي فكرة البوست ومجهودك وأتمني انك تشيل أغلب الصور العريانة دي وتكتفي بواحدة رمزية ومن رأيي إن تنفع البنتين المحجبات اللي بيعدوا الشارع وبتعدي أدامهم واحدة لابسة مزة وغطاء الرأس بيكشف أكتر ما بيداري ..
بس ده رأيي وهتبسط لو اقتنعت بيه أو افحمتني واقنعتني بالعكس وعموماً انت حر دي مدونتك
تحياتي

الموضوع ده مهم جداااااااا
لكل انسان حريته فى اللى يعمله
واكيد الحجاب ده حرية من ضمن الحريات دى ولأى انسانة الحق انها تلبسه بدون ضغوط عليها سواء بلبسه او قلعه
بس الاول لابد لها ان تتحجب خلقيا
كثير من المحجبات لاتعملن به
وكثير من غير المحجبات اخلاقهن محجبة
.............................
وفى الاول والاخر لابد انا الحفاظ على حرية اى شخص مهما نكن مختلفين معاه فى الرأى يعنى موضوع كريم عامر
كان الدفاع عنه ليس لأفكاره
ولكنها دفاع عن حرية شخص من حقه التعبير عما بداخله
يعنى لو حبسته اللى حصل قالوا عليه مظلوم
لكن لو كان فضل وجادلناه وبينا مدى حماقة افكاره
مش كان هيبقة احسن من كدة ولا ايه

تحياتى

بينو

و عليكم السلام اخي في الله

اخي انت مفهمتش قصدي من اورادي لتلك الروايات الصحيحة

فضلا اقرأ الموضوع او التعليقات مرة اخرى
فليس هناك ادنى اعتراض مني على الحجاب او مجرد تشكيك

بالنسبة للصور

فأردت التوضيح ان الحجاب ليس مجرد غطاء للرأس و السلام بل هو حجاب تصرفات و حجاب جسد قبل ان يكون حجاب شعر

و شكرا على اهتمامك اخي في الله

ضياء

حبيب قلبي كل صورة ليها مغزى غير التانية

صورة بتقولك انها بنت محجبة بس عارية

يبقى ده حجاب ؟؟

لا طبعا

واحدة بتقولك انها مغطية نص شعرها بس
يبقى ده حجاب

لا طبعا


واحدة بتقولك انها ساترة نفسها و شعرها يبقى ده حجاب

ايوة هو ده الحجاب

فهمت قصدي ؟؟

همسات


موضوع كريم عامر موضوع تاني لانه اهان افكاري مش عارضها و بس

لكن الحجاب لم يهن فكرة عدمه بل عارضها فقط

يبقى في فرق كبير لصحالح الدفاع الحجاب مش كريم عامر

بس باين الدنيا ماشية بضهرها

بسم الله الرحمن الرحيم
السلام عليكم ورحمة الله وبركاته

" لقيت المرأة المسلمة من التشريع الإسلامي عناية فائقة كفيلة بأن تصون عفتها ، وتجعلها عزيزة الجانب سامية المكان ، وإن الشروط التي فرضت عليها في ملبسها وزينتها لم تكن إلا لسد ذريعة الفساد الذي ينتج عن التبرج بالزينة ، وهذا ليس تقييداً لحريتها بل هو وقاية لها أن تسقط في درك المهانة ، ووحل الابتذال أو تكون مسرحاً لأعين الناظرين "

جزاك الله خير أخوي ي الله على هذا المقال والله يهدينا ويهدي جميع المسلمين والمسلمات

دمت بطاعة الله

على فكرة انت بتعرض افكارك بشكل حلو جدا
وبجد مدونتك رائع
ربنا يوفقك عارف البوست ده حلو جدا
بس فيه حاجات صدمتنى زى التفريق بين الامه والحره اصلا الاسلام ساوى بين كل البشر فا ازاى وقتها حد يعمل كده
الحجاب من الاخر حريه
بس بجد اتحول فى مجتمعاتنا -للاسف - لمجرد عاده

اتفق معك فى ابراز ان الحجاب لا يميز متخلفة او قليلة الشان بدليل ما رويته عن سيدنا عمر
واختلف معك فى نفس النقطة لانه سرد ما فعله سيدنا عمر تجاه الاماء من النساء يعبر عن ان الحجاب عادة و ليس عبادة
اقصد ان ذكر الموقف مش هيعضد الموضوع

برده اتفق مع اللى اعترض على بعض الصور لانها فعلا اذتنى و احنا عارفين المناظر بدون ايضاحها او تركيب مثيلات للى بيحصل فى الواقع

وردا على ياسمين ان الاسلام اه فرق فى الفرض مش فى وجوبه من عدمه لا ده واجب وفرض و ياثم من لا يفعله , لكن التفريق فى الاجراء المتخذ حياله من قبل رب العالمين و يقع على الامه نصف ما يقع على الحرة فى مقدار الاثم نظرا لعملها و اضطراها احيانا للتكشف بس مش المتعمد طبعا بحكم العمل و غيره و الله اعلم.

وبما اننا احرا دلوقت فالاثم يقع كاملا على العاقلة البالغة الواجب عليها ارتداؤه, ومفيش حاجة اسمها عن اقتناع و غيره اصلا دى بدعة .. عن اقتناع بايه ؟؟ ليس لمؤمن الخيره من امره اذا قضى الله و رسوله امرا
الموضوع اكثر من رائع و طريقة تناوله جميله
رجاء تشيل الصور اياها عشان بجد الموضوع يبقى احسن والفكرة واصله و الله

Regards:
Lojain :)

السلام عليكم
أخي شرم أنا قريت موضوعك وموضوع حلو بس بعتب عليك ان جزء مكنش ليه لازمة انك تكبه بصراحة:أكيد انتا عارفه....يمكن يكون انتا قريته فعلا مكتوب في كتاب لكن ده لا يقتضي انه يكون صح!!!!والنص واضح وصريح في القرأن { وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون }والأية واضحة(قل للمؤمنات) مفرقش الحرة والأمة؟؟!(ان أكرمكم عند الله أتقاكم)دينا قال كدة!!!!يبقى ازاي حد يقول ان سيدناعمرو ابن الخطاب اللي تجسدت فيه أخلاق الإسلام اللي لما كان خليفة المسلمين من كتر ورعه وخوفه من ربنا قال:(والله لو عثرت بغلة على شط الفرات لخشيت أن يسالني الله عليها لما لم تذلل لها الطريق)واخد بالك انتا *بغلة*أمال لو بنى أدم....يبقا أكيد لا يمكن نسدأ اللي مكتوب انه كان بيفرأ بين الحرة والأمة في الحجاب............الموضوع حلو وواضح انك حضرته كويس بس الجزء ده ملوش لازمة.......إسراء

شكرا لزيارتك لمدونتي وعاوزة اقولك ان الموضوع اكبر من خوفهم من الحجاب وانما هو خوف من انتشار الاسلام ووجوده وان يكون هناك من يملكون سلطات وهم ملتزمون بشريعتهم فهميخشون من اسلمة العالم وان يصبح الاسلام الديانة المنتشرة الامر الذي لايروق لمدمني الشهوات ولمن لا يستطيع العيش في جو نظيف لايخلو منه الرغبات الدنيئة تحياتي لموضوعك

عبد الله

شكرا اخي على المداخلة و بارك الله فيك

دعاء عادل

اهلا بيكي
الحجاب مش حرية يا اختى
الحجاب فرض
تخففت الامة منه لعملها و تعبها
اما الحرة فلم تتخفف منه لانها لا تعمل و لا تكد

لو جين

شكرا لمداخلتك و اسف اذا كانت الصور اذتك

موقف سيدنا عمر ذكرته لكي اوضح الفرق بين الامة و الحرة في فرضية الحجاب و لكي اوضح ان لكل امرأة محجبة الان حمل ثقيل لكونها حرة لذا يجب ان تكون ملتزمة

اسراء

اختى قبل ما نجادل في ديننا لازم نعرفه كويس


هل على الأمه حجاب ؟ و ان كان لها فما حدوده و ماهي صفته



الراجح الذي عليه الدليل : أنَّه لا فرق بين الحرَّة والأمة في عورة مالا يظهر كالصدر والظهر والساقين .
فلا يجوز للأمة أن تبدي صدرها أو ساقيها ، ولا يجوز لغيرها النظر إليهما.
أما الوجه واليدان والرجلان فبينهما فرق ، فيشرع للأمة إبداؤه ، ولا يجوز للحرة كشفه .
وهذا القول هو قول أبي محمد ابن حزم الظاهري وأبي العباس بن تيمية وغيرهما من المحققين رحمهم الله تعالى أجمعين .


قال ابن قدامة في المغني ج: 1 ص: 350
فصل : قال : وصلاة الأمة مكشوفة الرأس جائزة

هذا قول عامة أهل العلم . لا نعلم أحدا خالف في هذا إلا الحسن , فإنه من بين أهل العلم أوجب عليها الخمار إذا تزوجت , أو اتخذها الرجل لنفسه , واستحب لها عطاء أن تقنع إذا صلت , ولم يوجبه .

قال الشيخ ابن عثيمين رحمه الله في الشرح الممتع المجلد الثاني

الأَمَةُ - ولو بالغة - وهي المملوكة، فعورتها من السُّرَّة إلى الرُّكبة، فلو صلَّت الأَمَةُ مكشوفة البدن ما عدا ما بين السُّرَّة والرُّكبة، فصلاتها صحيحة، لأنَّها سترت ما يجب عليها سَتْرُه في الصَّلاة.

وأما في باب النَّظر: فقد ذكر الفقهاءُ رحمهم الله تعالى أن عورة الأَمَة أيضاً ما بين السُّرَّة والرُّكبة(1)، ولكن شيخ الإسلام رحمه الله في باب النَّظر عارض هذه المسألة(2)، كما عارضها ابن حزم في باب النَّظر، وفي باب الصَّلاة(3)، وقال: إن الأمة كالحُرَّة؛ لأن الطَّبيعة واحدة والخِلْقَة واحدة، والرِّقُّ وصف عارض خارج عن حقيقتها وماهيَّتها، ولا دليلَ على التَّفريق بينها وبين الحُرَّة.

وقال شيخ الإسلام ابن تيمية : إنَّ الإماء في عهد الرسول عليه الصَّلاة والسَّلام، وإن كُنَّ لا يحتجبن كالحرائر؛ لأن الفتنة بهنَّ أقلُّ، فَهُنَّ يُشبهنَ القواعدَ مـن النِّساء اللاتي لا يرجون نكاحاً، قـال تعالى فيهن: ) فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ ) (النور: من الآية60)

والله و رسوله اعلم

قلوب حائرة

الاسلام هو الدين الاوسع انتشارا صواء شاءوا ام ابوا

و كم من المحجبات الغربيات امتنعن عن العمل بسبب الحجاب تقديسا لا سلامهن .. بارك الله فيهن

السلام عليكم

برأيي لا يجب أن نعمم أن البنات المحجبات فيهم سيئة الخلق وووو فهذه حالة شاذة وليس الأصل

ولذلك لا ننتقص من قيمة وأهمية وفرضية الحجاب لأن بعض الطائشات استعملوه لأغراض غير شريفة أو أساؤوا للحجاب من خلال تصرفاتهم

الحجاب فرض من الله سبحانه وتعالى بإجماع علماء أهل السنة والجماعة، والحجاب ليس فقط غطاء الرأس بل يشمل حسن الخلق والحياء والأدب والعفة،،هي عملية متكاملة

فالتي تلتزم باللباس وليس بالخلق فحجابها منقوص والتي تلتزم بالأخلاق دون اللباس الشرعي أيضا هذا تصرف منقوص

ولمن يقول بأن الحجاب يحجر على الفكر.."من ابتغى العزة بغير دين الله أذله الله "

ولا أدل على ذلك من حالنا وواقعنا هذه الأيام

أسأل الله لي ولكم الهداية

فاطمة

بجد بارك الله فيك
مع عدم اقتناعى بما ذكرت عن عمربن الخطاب
فليست كل الروايات صحيحه

أنا قريت الموضوع ده من كام يوم وشوفته بالصور الأصلية وكنت محتار أعلق وألا لأ .. وخصوصا إني شفت الجدل الواضح في التعليقات وردك عليها

أنا مش هأضيف تعليق جديد لأن التعليقات والرد عليها غطوا على جوانب الموضوع لكن اللي أحب أضيفه فيما ذكرته عن عمر بن الخطاب إن الموضوع ده عامل زي موضوع إرضاع المرأه للرجل الكبير .. فيه جزء من الصحة لكن في ظروف معينة وخاصة جدا .. وطرحها في هذا العصر بيكون مثير جدا للجدل وبيضعف صورة المسلمين أكتر وأكتر لأن الناس بتنشغل جدا بمحاولة تعميم الحالة الخاصة دي وبتنشغل كمان عما هو أهم في أساسيات وأعمدة الدين التي تركناها بالفعل

مع رجاء بعدم الضيق من تعليقي ده وإلا هأزعل منك بجد .. ماشي؟

ومادام مازعلتش هأزودها شوية كمان: الصور اللي إنت شيلتها رغم إعتراض الغالبية عليها كانت مخليه الموضوع أكثر قوة .. ولو ماكنتش مقتنع بيها من الأول ياريت ما كنتش نشرتها أصلا

شكلك زعلت

فاطمة

و اين التعميم في حديثي ؟؟
انا انتقد الاقلية من المجبات بالاسلام فقط و لم انتقد المحجبات ككل

اهلا بكي اختا عزيزة

r.r

شكرا عزيزيتى و الرواية تتفق مع ما جاء في حكم حجاب الامة فلا مشكلة من صحتها

مراكبي

مفيش زعل يا باشا بين الحبايب

بالنسبة لموضوع حجاب الامة فده ديننا ولازم نعرف كل كبيرة و صغيرة فيه و حكاية اننا منقولش عشان صورة ديننا دي حاجة انا مش مقتنع بيها ابدا بالعكس احنا نوضح ديننا زي ما جالنا و نحافظ عليه و اللى مش عاجبه الاسلام يناقشنا فيه و لو مقتنعش هو حر

اما بالنسبة لموضوع الصور فطبعا كانت مدية للموضوع واقعية كبيرة لكنها جرحت نظر الاخوات و ده شئ ميرضنيش و يمكن مفكرتش اوي في النقطة دي

بس كده

السلام عليكم اخى احمد
-------------------
بداية اشكرك على غيرتك على الدين وعلى الحجاب ولكن ثمة شئ مهم وهو
انك قد جنبك الصواب فى شئ مهم ,هل تأكدت من صحة الروايات التى زكرتها قبل ان تحتج بها؟ما اظنك فعلت هذا
وانا اكاد اجزم انها كلها ضعيفه فانا لم اجدها فى كل كتب الشيخ الالبانى

وما اظن ان عاقلا يقول ان الافتتان يكون بالحرائر فقط فان الغرض من الحجاب ليس التمييز كما قلت وانما هو العفه والستر والحجاب الذى لا خلاف فيه هو الخمار او ما يؤدى وظيفته مثل الاسدال اما النقاب فهو محل الخلاف بين الوجوب والاستحباب

والاهم من ذلك هو انك تتعجب من ان الذين يدافعون عن الحريه يكيلون بمكيالين

يا اخى ليس هذا عجيبا فان الله يقول(ودوا لو تكفرون كما كفروا فتكونون سواءً) وقال ايضا(قد بدت البغضاء من افواههم وما تخفى صدورهم اكبر) وقال ايضا(لا يألونكم خبالا ودوا ما عنتم )اى انهم لا يألون جهدا فى اخبال المسلمين وهذه الدعاوى المتهالكه من الحريه كلها كذب فلم يصغ احد قانونا يكفل الحريه مثل المسلمون واوضح مثال لذلك فعل عمر بن الخطاب رضى الله عنه حينا فتح بيت المقدس فانه امن النصارى على كنائسهم وكفل لهم حرية العباده

فلا يكن عندك امل فى هذه الحريات الكاذبه


سلام اخى الكريم

ابو حمزة

اهلا بك اخي الفاضل
و اتفق مع بنسبة 100% عن ما قلته عن المتحدثين بإسم الحرية و حقوق الانسان

بالنسبة للروايات فقد ذكرت مصدرها و ذكرت ما قاله الشيوخ في حجاب الامة في ردي على تعليق الاخت اسراء .. ارجو مراجعته

شكرا اخي الفاضل على وجودك و دمت بخير

بوست ملوش حل

ويوجع اوي

بس انت نسيت كمان تتكلم عن البلاد العربية زي تونس تقريباً او الجزائر مش فاكر بالظبط
المهم واحده منهم

الحجاب فيها
illegal
ايون يعني ممنوع بقوه القانون
انا سمعت الكلام ده من اكثر من مصدر

يبقا وقتها ملناش حق نتكلم طالما مش بنكلم العرب المسلمين اللي زينا

بجد بوست يوجع اوي
والصور اللي انت مختارها تتعب جدا بجد
حسبي الله ونعم الوكيل
ويارب ارحمنا وارزقنا خشيتك وارزقنا سترك يارب

اسمحلي ححط البوست ده عندي في افضل ما قرأت

اخى الفاضل احمد
---------------
السلام عليك ورحمة الله وبركاته

انا بصراحه مش عارف اقولك غير جزاك الله خيرا فعلا انا كنت اجهل هذه المسأله ولكن بحثت فيها مره اخرى فوجدت ان كلامك حق. بصراحه ما شاء الله عليك

ولكن كنت اود ان تاخذ كلام ابن تيميه كله لا ان تقتطع كلامه على الصلاه فقط فجُلُ كلام الفقهاء فى هذه المسأله المقصود به عورة الأمه حال الصلاه, اما فى باب النظر فكلام ابن تيميه واضح -ووافقه عليه ابن عثيمين-فى انها اذاكانت جميله عليها ما على الحره من التستر نظرا للافتتان بها واليك الكلام كاملا

قال شيخ الإسلام ابن تيمية رحمه الله: إنَّ الإماء في عهد الرسول عليه الصَّلاة والسَّلام، وإن كُنَّ لا يحتجبن كالحرائر؛ لأن الفتنة بهنَّ أقلُّ، فَهُنَّ يُشبهنَ القواعدَ من النِّساء اللاتي لا يرجون نكاحاً، قال تعالى فيهن: {{فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ}} [النور: 60] ، يقول: وأما الإماء التركيَّات الحِسَان الوجوه، فهذا لا يمكن أبداً أن يَكُنَّ كالإماء في عهد الرسول عليه الصَّلاة والسَّلام، ويجب عليها أن تستر كلَّ بدنها عن النَّظر، في باب النَّظر.
وعلَّل ذلك بتعليل جيِّدٍ مقبولٍ، فقال: إن المقصود من الحجاب هو ستر ما يُخاف منه الفِتنة بخلاف الصَّلاة، ولهذا يجب على الإنسان أن يستتر في الصَّلاة، ولو كان خالياً في مكان لا يطَّلع عليه إلا الله. لكن في باب النَّظر إنما يجب التَّستر حيث ينظر الناس. قال: فالعِلَّة في هذا غير العِلَّة في ذاك، فالعِلَّة في النَّظر: خوف الفتنة، ولا فرق في هذا بين النِّساء الحرائر والنِّساء الإماء. وقوله صحيح بلا شكٍّ، وهو الذي يجب المصير إليه.
(الجمله الاخيره دى للشيخ بن عثيمين)

ولكن لى عليك عتاب وهو ان هذا الكلام مقصود به الاماء وليس فى زماننا اماء فما كان ينبغى ان تذكره لان كل النساء فى هذا الزمان حرائر فلا ادرى لماذا ذكرتَه؟؟

ولى همسه فى اذنيك انك لست فى زمن العلماء ولست فى زمان انتشرت فيه الفضيله حتى تذكر هذا الكلام فربما اخذته احدى بنات هذا الجيل على اطلاقه وقالت فقهاء الاسلام يجيزون ان تكشف المرأه رأسها بل ويجيزون ان تكشف صدرها فيكون هذا سبباً فى فتنة عظيمه بسسب سوء الفهم واسمع هذا الاثر الجميل الذى رواه الامام البخارى

و قد ترجم البخاري
رحمه الله لحديث معاذ بقوله : " باب من خص بالعلم قوما دون قوم كراهية أن لا
يفهموا ، و قال علي : حدثوا الناس بما يعرفون ، أتحبون أن يكذب الله و رسوله "

و مثله قول ابن مسعود : " ما أنت بمحدث
قوما حديثا لا تبلغه عقولهم إلا كان لبعضهم فتنة " . رواه مسلم

واحمد اليك مجهودك وارجوا ان تتنبه لهذا

خد بالك انا مازلت مُصر ان الآثار اللى ذكرتها ضعيفه ولو عندك حد خرجها وصححها قوللى

موضوع و بحث جيد جدا يحمد جهدك فيه
فعلا اراء جيده
و بعضها اقراه لاول مره
ايضا الصور المصاحبه للتدوينه ممتازه و معبره
تحياتي

زحل الفلكي

اخي الفاضل بعضا من تلك الصور هي بالفعل من بلد عربي شقيق هو تونس

اهلا بك و يشرفني اعجابك بالموضوع

ابو حمزة

اهلا بك مرة اخرى اخي في الله و اتمنى وجودك دائما

شكرا لك على اكمال ما فاتنى و جزاك الله كل خير

اخي قصدت به التشبيه و التوضيح

اما التشبيه فقد قصدت ان كل مسلمة عاقلة راشدة اختارت عدم الحجاب هي في الواقع اختارت لنفسها ان تكون امة تشبه القواعد من النساء بينما اختار الله لها ان تكون حرة

و اما التوضيح فقد قصدت به ان اخلاق الحرة ليست ستر شعرها فحسب بل ستر جسدها و لسانها و عقلها قبل شعرها

ارجو اخباري ان كان هذا المعنى غير مكتمل لدى القارئ الكريم كي اعدل المقال على الاقل في هذا الجزء

و جزاك الله خيرا اخي في الله

ذو النون

في مشكلة في مدونتك او حاجة انت حاطتها جديد فيها
java

مش عارف ادخل على مدونتك خالص
يا ريت لو حد قرأ الكلام ده يبلغه لاخونا ذو النون و جزاه الله كل الخير

السلام عليكم اخى احمد
---------------------
بصراحه انا مش معاك فى ان الكلام يتضح به هذا المعنى

وبعدين هيه المشكله فى ان التى ترتدى حجاب الموضه تجعل نفسها مثل الامه ؟؟لا مش دى المشكله المشكله كلها ان اللى بتلبس حجاب الموضه-واللى مبتلبسهوش خالص- دى انسانه للاسف انعدم منها الحياء او على الاقل حيائها على قدر ماتستر من جسدها ودى مشكله ,قلة الحياء يجعلها رخيصه فى عيون من ينظرون اليها
نسأل الله ان يرزقنا الحياء فهو قرين الايمان واذا نُزع احدهما نُزع الاخر

وبعدين انا مش معاك خالص فى مسألة ان المرأه تدخل مجال الرياضه والكلام الفاضى ده
رياضة ايه بس ياراجل ؟؟!!
على فكره انا متزوج وعندى حمزه فعلا يعنى الكنيه مش من فراغ ,وعاوز اقولك انا لا اتخيل ابدا ان مراتى اشوفها على شاشات التلفزيون وهيه لابسه زى الاخت اللى فى الصوره اللى انت حاطتها وتلعب كوره ولا تلعب جمباز ولاسباحه

سباحه يا خبر اسود مش ممكن طبعا دا انا اموت اين الغيره والحياء؟

وبعدين انا كل ما اقول اقولك انسى ..ينفع راجل عنده هذه الغيره على الحجاب يضع اغنيه فى المدونه؟اظن انت عارف ان الاغانى حرام انا كل مره انسى اقولك لانى اول ما بدخل بوقفها على طول فأرجوا ازالتها

وجزاك الله خيرا .على فكره انا وضعت لينك لمدونتك عندى وهكون عندك ان شاء الله على طول

السلام عليكم
ردا بس علي زحل الفلكي
معلش يا شارم
مداخله صغيره
موضوع الحجاب في تونس صبغوه بالصوره الشرعيه
علمائهم الافاضل قالو ان الحجاب ليس فرضا في الاسلام ولا يمت للاسلام بصله
انه عباره عن زي طائفي
للتفريق يعني
وبما انه كده لازم يتمنع
مع انهم اغلبهم مسلمين ماعدا بعض الملحدين طبعا اللي مسيطرين علي الحكم


وصل عدد المحجبات في تونس الي 100000 محجبه فقط
ودا عدد قليل جدا بالنسبه لتعداد تونس
هوه الرقم مش مؤكد بالظبط
بس دا تقريب لاخر احصائيه


بالنسبه لدولة تونس بقي
بدعي ربنا اني لا ازورها في يوم
مهما كانت سبب الزياره
تحياتي

السلام عليكم
نسيت يا شارم
http://egyptologst.blogspot.com/
البوست ده شوفه
بعد اذنك يعني

ربنا يفتح عليك يارب يا شارم
انت جبتها من اخرها
بس انا برضه متعجبة من الكلام اللي قلته عن سيدنا عمر
انت مش متفق معايا ان دة يخالف الروايات اللي كانت بتتقال عن زوجات النبي
وارتدائهم الملابس السوداء ووعدم كشف وجوههم

كلام مثير للجدل فعلا
وقد احضرت براهين وجوانب كثيرة بالنسبة للحجاب
مع اني اعتقد اولا ان الحجاب اولا حجاب الاخلاق والنفس والكرامة
وبعدها ياتي حجاب اللبس الذي لا يقل اهمية والذي يجب احترامه

تحياتي

تسلم أيدك بوست في الصميم
أنا موافقه علي كل سطر كتبته وكل المعاني اللي قصدتها

"كل الاحداث اثبتت انكم لا شئ الا مجرد لعبة في اياد اناس يتحكمون بكم "
أصبت كبد الحقيقة بحق
تحياتي
ويجعلوعاااااااااااااااااااامر

لسه صوتنا مش عالى


ولما يعلى بيتنبح

ابو حمزة

اخي في الله اهلا بك

نحن متفقون تماما في رفضنا لحجاب الموضة و او عدم التحجب من الاساس

و هذا هو المهم

اما التشبيهات و التوضيحات فهذه اشياء نسبية قد تقنع البعض و قد يرفضها البعض الاخر

اما عن مجال دخول المرأة مضمار الرياضة فهذا شئ مقتنع تماما انه لا حرمانية فيه ابدا فلما نحرم الاناث من شئ لم يمنعهم الله منه و اكيد المحجبات لما بيلعبوا سباحة مش بيلبسوا بكيني .. دول ليهم لبس خاص هبقى انشره ان شاء الله

جزاك الله خيرا على تذكيرك ليا بموضوع الاغاني التى سأجعها اختياريا مش اجباريا على اي حد يدخل يسمعها بس هل الاغني فعلا حرام ؟
هل هي الشئ اللى ممكن يلهيك عن الصلاة ؟
هل هي الشئ اللى ممكن يمنعنى من قراءة ورد القران اليومي الخاص بيا ؟

اذا كانت لم تؤثر على ديني من قريب او من بعيد فما سبب حرمانيتها مع رجاء ملاحظة ان لهو الحديث سبب تحريمة الاصلي كما اجمع العلماء هو تقصيره على ذكرك لله

عموما جزاك الله خيرا و هذا لا يمنع ان اضع قرانا بدلا من الاغاني و ثوابي و ثوابك عند الله


بارك الله لك في حمزة اخي الفاضل و ادعوا الله ان تراه رجلا تفتخر به ان شاء الله

شكرا على وجودك اخي في الله بجد منور مدونتى

مهند

شكرا على مداخلتك و دي معلومة اعرفها لاول مرة ان علماء المسلمين هناك اقروا بشئ مثل ذلك دون الرجوع لهيئة علماء المسلمين او الهيئة الدينية التابعة لمنظمة المؤتمر الاسلامي

سمراء النيل

شوفي يا انجي
ده مش بيخالفها نهائيا لان امهات المسلمين نزلت فيهم اية الحجاب فهم اكثر الناس الذين فرض عليهم التستر و التحجب عن الناس

ياسمينا

اهلا بك معنا في هذا النقاش

مكسوفة

شكرا مكسوفة و اهلا بيكي

سمسم

يستاهلوا اكتر من كده
انا لسة راجع من مدونة وائل عباس و تخيل مسح تعليق ليا كنت بعارضه فيه

يعنى المدافعين عن حرية الرأي مش عايزين حد يعارضهم

يبقوا يتحرقوا بجاز

عين ضيقة

يبقى نعلي صوتنا اكتر

مش هقول حاجه غيرر "تسفيقه ليكـ " اتشرفت اني قرأت موضوع زي موضوعكـ بجد

باتريسيا

شكرا ليكي و اتمنى ان كل مواضيعي تعجبك

بجد الكلام فعلا صادق جدا
واحييك علي جراتك
كل واحده لابسه الحجاب دلوقتي هتلاقيها مقتنعه جدا بالطريقه اللي لابساه بيها
وبتدافع عنها جدا
افتكر ان خير الامور الوسط يعني الحجاب المعتدل

زوبعة

انت فكرتنى بطرحة الاسبانش

منظرها منرفز جدا .. ده مش حجاب ابدا

The western civilization is based on civil society, not on religion. Nevertheless, Muslim women must have the right to follow their religious believes in the european countries... but they have the right to choose! If they want to cover their heads... fine... and if they don't want too... they have that right also!
But it is a stupidity to forbid Muslim women to cover their heads - if they want too - in western countries.

Cheers!

Salaam! ;)

kalatuu

You are right ..

what if Egypt or Maldives OR any other Islamic country forbid the Christian people from wearing the cross of the Christ ..

Is this fair ?

Salams !!

Right... but everyone must be free to choose.

P. S. Anyway... French can be very stupid! :)

kalatuu

life can be better if there are a lot of people have your mind's thinking

Thank You, my friend.

Hi from Portugal!
I like your story too!

Numvem

My story ?!

Me fascinó , es irreverente como ninguno !!

Paz/

paz

don`t sure about what you mean coz i speak a little spanish , do you hate hijab or the forbid of hijab ?

P. S. You must be «understanding» with european women... :)=

Salaam!

اخى احمد السلام عليكم
=================
معذرة لطول غيابى ولكنى كنت فى مأزق وشده اظن انها لما تنتهى بعد ولكن قلت ارسل اليك بهذا الكتاب وهو للشيخ الالبانى عن حرمة الغناء والاته وهو لم يترك شارده ولا وارده فى هذه المسأله الا ورد عليها فأرجوا تحميله

وثمة شئ اخر كنت اود معرفته وهو كيف ترتدى الاخوات المحجبات زى السباحه؟؟؟
ظللت افكر فى هذا الامر حتى انى ظننت انهن يرتدين النقاب والاسدال الواسع الفضفاض ثم بعد خروجهن من الماء مباشرة يدخلن فى صندوق خشبى حتى لا يراهن الناس وقد التصقت ثيابهن على اجسادهن

اظن ان هذا الكلام مضحك جدا ولكنى بالفعل ضحكت عندما سمعتك تقول ان لهن زى خاص

معذرة ان كلامى فيه شئ من السخريه ولكن الكلام لايستدعى الا ذلك

واليك لينك تحميل الكتاب ارجوا قرائته على رسلك حتى يتبين لك الامر
http://www.4shared.com/file/17911116/b9e5d3b/____.html

ابو حمزة

شكرا لك على تواجدك

اللهم فرج كربته و فك ضيقته يا رب العالمين

ان شاء الله ينزاح كل الشدائد من على كاهلك

شكرا على الكتاب و اظن ان لم اكن مخطأ انى قرأته من عامين تقريبا عموما سأعيد تحميله مرة اخرى لاراجع ما كتبه الشيخ الاباني رحمه الله

اتفضل هذا اللنك
bokra.net/?cGF0aCUzRFBsdXMlMjZpZCUzRDE1MDM2
و ايضا
alarabiya.net/articles/2006/10/31/28688.html

فيه صورة للمايوه اللى مش عايز تقتنع انه موجود و بيتباع في الاسواق كمان كل المحجبات تقريبا بيلبسوه على شواطئ البحر

لا اله الا الله محمد رسول الله
تلفزيون الانترنت

http://www.el-host.net
—————————
قنوات رياضية
http://www.el-host.net/tv/category/7/1.html
————————–
قنوات افلام
http://www.el-host.net/tv/category/12/1.html
—————————
قنوات أخبار
http://www.el-host.net/tv/category/8/1.html
—————————–
قنوات اطفال
http://www.el-host.net/tv/category/9/1.html
—————————-
قنوات موسيقى Music
http://www.el-host.net/tv/category/16/1.html
—————————–
اذاعات القرآن الكريم
http://www.el-host.net/tv/category/15/1.html
—————————–
قنوات عربية منوعه
http://www.el-host.net/tv/category/10/1.html
——————————
اذاعات عربيه
http://www.el-host.net/tv/category/17/1.html
——————————
مسرحيات
http://www.el-host.net/tv/category/34/1.html
——————————-
افلام عربية
http://www.el-host.net/tv/category/35/1.html
——————————-
http://www.el-host.net/vb
——————————
http://www.el-host.net/dir/

حرية الحجاب كحرية لبس الصليب و لكن فلينظر هؤلاء القائلين بان الحجاب تخلق الى صور قديسيهم و قديساتهم من الهاله البيضاء و تغطية الرأس الى اللبس الواسع الذى لا يشف او يعمق التفكير او النظر
حتى ان صور ام يسوع ذاته كانت بحجاب و هذا من منطقهم و من معتقدهم و ما يؤمنون به و يرونه و ينكرونه اشد الانكار
هؤلاء حاقدون على هذه الامه
اما هل هو فرض او تطوع فهذا علاقه بين الله و العبد و يلزمه الاقتناع فالحق حقا و الباطل باطلا و الله عز وجل اعطى كل التفكير لكامل خلقه و يرزق من اتبعه و من لما يتبعه و كفر به ايضا .. ان الله يؤيد هذا الدين بالفاجر و لعل الصور المسيئه للنبى العظيم محمد صلى الله عليه وسلم جعل العديد من الدينماركين دخول الاسلام هذا التعصب الاعمى ضد الاسلام لا تحسبه شرا و لكنه خيرا لديننا فهو يثبتنا و لا يهتز ايماننا بل يقوى و فى المقابل دخول الكثير من لا يعرفون عن الاسلام شيئا الى الدين
و لتعرف جيدا ان الدين الاسلامى الوحيد هو من اعطى حقوقا عظيمه للمرأه اما باقى الاديان فهم يعتبروها اداة جنسيه فقط