الرئيس العراقي السابق صدام حسين .. رحل و معه الكثير من الاسرار التى لم يعرفها احد .. و من ضمن هذه الاسرار حسنات لم يفعلها احد قبله و نشهد الله ان صدام حسين كان طاغية قتل و غدر بإخوانه قبل اعداءه و مساوءه لا تخفى عن احد و تاريخ افعاله السيئة موجودة بسرد رائع في هذا الرابط اضغط هنا
- كفالته عائلة كل شهيد فلسطيني وذلك بمنح عائلته منحه قدرها خمسة وعشرون ألف دولار،كما يعطي لكل من يهدم بيته خمسة وعشرين ألف دولار بشرط ألا يخرج من فلسطين
- أصدر قراراً بإسقاط الضريبة عن أي تاجر يبني مسجداً و أمر ببناء مسجد في كل محافظة في كل عام و صدر قرار لا نظن أن أي بلد قد طبقه وهو أن أي شخص يريد أن يبني مسجداً فإن الدولة تعطيه جميع مواد البناء بنصف سعر السوق
- أمر بإلقاء ثلاثة من فدائيي صدام [ وهم نخبته وخاصة جنده ] من أعلى مبنى في البصرة كتعزير لهم على جريمة اللواط
- أمر بتشكيل لجنة لمنع الربا من البنوك وطُلِب من اللجنة بيان كيفية تحويل كل البنوك الموجودة من النظام الربوي إلى النظام الإسلامي
- قرر انه على الطبقة العليا من اعضاء حزب البعث حفظ ثلاثة أجزاء من القرآن الكريم و قام بإلزامهم بأداء الفروض الخمس جماعة في المسجد
- كان صدام حسين يديم قطع اجتماعاته وإنهاءها علانية إذا حضر وقت الصلاة حتى مع الأجانب
- جعل حصة التربية الإسلامية في المدارس العراقية إلزامية في الاختبارات والدرجات
- انشأ محطة القران الكريم الاذاعية و سمح للمحجبات بالعمل كمذيعات
- صرحت خادمة عدي الخاصة لقناة العربية بأن عدي كان إذا علم أن والده صدام سيحضر إلى قصره قبل أسبوع قام بتنظيف البيت من الخمر وغيره من أدوات اللهو حتى لا يغضب والده، بل أشارت إلى أن صدام قد حاول قتل عدي بسبب سوء سلوكه وانحراف خلقه
- الحقيقة التاريخية أن العلماء العراقيين بلغوا أكثر من سبعين ألف عالم متخصص في عهد صدام و جامعة بغداد كانت من افضل خمسمائة جامعة في العالم
- أن الرئيس القذافي اقترح بكسر الحاجز النفسي مع إسرائيل : فقاطعه صدام وصاح عليه بأعلى صوته : إنجب .. بمعنى: اخرس . فسكت القذافي ثم وقف صدام بمسدسه أمام الجميع قائلًا: والله من يعمل أي علاقة مع إسرائيل أقتله بهذا المسدس ... ولو كان على فراشه
- تعتبر قوات صدام الجوية اول من وحد اليمن ضد الشيوعيين و هي كذلك اول من دافعت عن السودان ضد قوات جون قرانج حين اقتربت من الخرطوم
- صدر قرار بحفظ حق الكويتيين والسعوديين وغيرهم ممن يملكون بيوتا في العراق ، وبما أن المالك غير موجود ولاوكيل عنه هناك فإن الدولة العراقية تتكفل بحفظ أملاكهم وادخار إيجار بيوتهم إلى أن يرجعوا
- لاحتلال الكويت أسبابه التي لم تعد خافية على أحد وقضية المؤامرة ليست وهمًا و قد عجز الكويتيون عن الإجابة على أسئلة صدام الأربع في رسالته التي اشتهرت، برسالة الاعتذار
بعض التسجيلات النادرة لصدام حسين
صدام حسين .. ملك العراق
تهديد صدام لكل ظابط يتعامل مع خائن
زواج قصي .. الابن المطيع
احتفال عدي .. الابن الضال
زواج رغد .. الابنة المدللة
شبيه صدام حسين
اجتماع صدام قبل الغزو بدقائق
صدام حسين يتعرض للضرب في جميع انحاء جسمه
صدام حسين يقول للقاضي لولا الامريكان لما استطعت لا انت و لا ابوك ان تحاكمنى
شهادة الزور ضد صدام
لحظة الحكم على صدام حسين و رفض صدام القيام من على مقعده
شكرا شارم علي الموضوع
احييك جدا جدا
طريقه العرض جيده
ياريت تزور مدونتي
انته من المدونات المفضله عندي
احتفظ برضه بحق الرد علي موضوع صدام حسين
البوست جميل جدا, أنا فعلا شايفه ان صدام اتغير كتير في أخر 10 سنين, ربنا يرحمه ويرحم جميع أموات المسلمبن.
الله يرحمه
عارف يا شارم بتعجبنى اوى ابحاثك دى بحث انك موسوعى وكدة..بجد جميل اوى يا شارم...
وتقرير مفصل جداا
تحياتى
بجد ياشارم بحثك تحفه بحس يابنى انك مش بتعمل موضع لمدونه موضوعك بجد حلو اوى وكله تفصيل
ومهما كان صدام خلاص هو مات ميجوزش عليه غير الرحمه ربنا يرحمه ويرحم موتى المسلمين جميعا ومنشفش الزل الى اتزلنا ساعت اعدام صدام تانى
مجهول
اشكرك عزيزي على زيارتك و شكرا لاطراءك و كون مدونتى من مدوناتك المفضلة شرف كبير ليا
اعدك بالزيارة
esraa
فعلا هو اتغير 180 درجة في اخر 10 سنين
تاب متأخر اوي بعد ما قتل ناس كتير
والله يأ خي مش عارف أقولك ايه ازهلتنا كالعاده بمقالاتك وافلامك وابحاثك ومع انك كنت واخد جانب صدام بس عرفتني حاجات ماكونتش اعرفها ورغم اختلافي معاك في كام نقطه لكن دعني اقول لك بحقيقي أكثر من رائع ربنا معاك وعلي طوول في تقدم..
جينا بقى للزعل ووجع القلب
شوف هو فعلا كان زعيم وكان قائد انما هو بهدل الشعب بتاعه بهدلة جامدة جدا
شوف ساعات بقول العراقيين فعلا لازم اللى يمسكهم يكون واحد زيه كده
على كل حال شوف رأيى انه هو ذلنا وهو حى وذلنا وهو ميت
أكيد ليه محاسن وأكيد ليه مساوىء بس اعتقد ان المساوىء بتاعته غلبت محاسنه
فكرنى بالظبط بعبد الناصر
قعد يقول هارمى اسرائيل فى البحر
وكان الرد انهم خدوا سيناء كلها
هو قال هايحرر القدس راح محتل الكويت
مع العلم ان الناس بتوع الجغرافيا فعلا أكدوا ان مافيش حاجه اسمها الكويت وان زمان الكويت كانت تبع العراق فعلا.
على كل حال منظره وهو رايح على المشنقه يدل على شجاعه مش ممكن أى حد يبقى زيه فيها
خلاص هو عند ربنا بقى
"أليس الله بأحكم الحاكمين"
صدق الله العظيم
shabf2ry
على فكرة اسمك لوحده حوار .. انا ميت من الضحك بسببه .. ربنا يكرمك و نسمع انك غيرته لشاب متفائل جدا
غزالي
والله كان نفسي اقدم اكتر من كده لكن خوفا ان الموضوع يطول منى و الناس تزهق تقراه حاولت انه يكون في نقط بسيطة عشان الكل يعرفها
محضر الروح
ايوة والله عندك حق .. الذل اللى الواحد احس بيه ساعتها ذل كبير .. و مهانة مش لصدام انما لكل انسان عربي
و الغلطة غلطتنا
ابن ناصر
زعلان منك .. ليه مقولتش الحاجات اللى مختلف معايا فيها
يا اخى انت من الناس اصلا اللى ارائك بتبقى مركزة و قيمة و تستحق القراءة
متحرمناش من تعليقاتك
حسن محمود
اخى انا لست من الناس الذين يهللون لصدام .. بالعكس .. انا من الناس الذين رأوا ان القصاص هو علاج امثاله
لكن احببت ان اوضح نقط مضيئة في حياته احقاقا للحق .. نقط لم يفعلها الا هو في زماننا الحالي
بالنسبة لاحتلال الكويت فهو دافع عن الهجوم الصفوي الناتج من الثورة الخمينية ضد بلاده و التى كانت ستجتاح الكويت قبل غيرها و ماذا فعل الكويتيين ؟
حولوا معوناتهم الى هبات ثم جعلوها ديون ثم جعلوها ديونا مجدولة لصالح امريكا
و اخذوا يشفطون البترول من حقول النفط العراقية اثناء حرب ايران
و لم يكفيهم ذلك بل دمروا اقتصاد العراق المتهالك بعد 7 سنوات من الحرب بتوصيل سعر البرميل الى 6 دولار يعنى بيشحتوه مش بيبيعوه
و اثناء ذلك جاء وزير الدفاع الامريكي الى الكويت لغزو العراق سنة 1989
و كشفت المخابرات العراقية عن تلك الوثائق
فما ذنب العراق لكل هذه المؤامرات ؟؟
الكلام ده كله قاله صدام حسين في خطاب الاعتذار للكويتيين
موضوع مهم أوى على فكره لماذا هذا الوقت بالتحديد من العشرين سنه اللى فاتت تتدخل أمريكا العراق فجأه بقى عندهم كل حاجه موقومات البلد اللى تحتل حلو يعنى اكيد فى كواليس محدش يعرفها
على كلا ..
الله يرحمه
وعد العيون
على فكرة الوقت ده انسب وقت للهجوم لسبب بسيط
النظام جاي بإنقلاب
دخل حرب 8 سنين مع جارته المعادية لامريكا
ثم دخل حرب مع جيرانه العرب
ثم تم حصاره اقتصاديا لاثنى عشر سنة
اشتعال الكراهية الطائفية بين العرب و الاكراد و السنة و الشيعة
يعنى دولة مدمرة امنيا و اقتصاديا و محدش هيساعدها
بقولك يا شارم علي فكره أما بفتح فيديو التمثيل بجثة صدام بييجي مراسم الدفن
الأخ شارم
جزاك الله خيراً علي أجزالك الرجل حقه
و مجهودك رائع يستحق التقدير
وهدانا الله أجمعين الي الصراط المستقيم
بجد بتكتب حلو اوي
بتعرف ازاي تبدا الموضوع وامتي تنهية وتخلينا نقراة كلة لو كان طويل زي بوست الجيش
ما شاء الله عليك بجد
حاجات كتير من المكتوبة مكنتش اعرفها خالص، يمكن باحاول اتخيل ان حد ينقلب من النقيض للنقيض في الحالة دي يمكن يبقي المصير اللي لاقاة كان رحمة بيه وتكفير لذنوبة
اسمحلي هادور حبه علي الحاجات المكتوبة دي كلها بتواريخها
علشان كده انت بتغيرلي فكرتي تقريبا
انا كتبت تعليق طويل و طار عموما تحياتي
تم الرد علي التاج الي انت بعته
و بحييك في رؤيتك لصدام انه زعيم رغم اختلافنا معه في ان بسببه العراق اندبحت
لكن لا انكر انه كان قوي و كان زعيم و له الكتير من الحسنات
حتي و ان كان له الكثير من السيئات
ناس بتشتم فيه ان جثث المصريين كانت ترجع من عنده ... طيب و زعيم بلدكم سكت ليه؟؟
معلش ما اصل الي ملوش ضهر مينضربش علي بطنه
ابن ناصر
تم تصليح الرابط و اسف على الخطأ و شكرا لاخباري بالخطأ
bino
المدونة نورت بوجودك
و موضوعي كان من باب الاحقاق للحق
كما ذكرت مساوءه يجب ان نذكر حسناته
saso
لازم منبصش للحاجة من وجه واحد
يوجد دائما وجه اخر للعملة
nohaz
اهلا بيكي
شوفي انا غير مؤيد لصدام السابق لكن انا بعض فقط المخفي عننا
و انا قريت قبل كده عن التوابيت اللى كانت بتوصل لناس مقتولين برصاص في الدماغ و الحكومة قالت محدش يفتح التوابيت عشان فيهم وباء و ممكن يعدي الناس
مش فاكر في الوعي المصري ولا عند منال و علاء
وضوع التوابيت ده انا بسمعه من و انا صغيرة
بس انت ناسي السعودية و ابن الراجل الي كان بيشتغل هناك و واحد اغتصب الطفل ده و اما ابوه اشتكي جلدوا الاب؟
معلش المصري ملوش تمن في اي مكان
و ده مش غلط في البلدان التانية الغلط فينا احنا
مع احترامي الشديد كان ينفع يحصل ده ايام عبد الناصر او السادات؟؟؟؟؟؟؟؟؟؟؟؟؟؟؟
شارم
أحييك
بجد بوست جميل
وشغل عالى أوى
نحييك على المعلومات دى
وفى تقدم مستمر إن شاء الله
وعادى بقة
أودى
nohaz
ايوة طبعا .. فاكر الراجل ده كويس لاني كنت في السعودية ساعتها و كان في استنكار كبير للموضوع ده من السعوديين نفسهم
و معتقدش ان موضوع زي ده كان ممكن ايام عبد الناصر ابدا
مصر كانت بتحكم العرب ساعتها
اودي
اهلا بيك و اتمنى انها تكون فادتك فعلا
اشكرك جدا يا شارم انا عملت الصوره اللينك لجيش مصر خلاص
بالنسبه لصدام حسين انا بصراحه احترت جدا في شخصيته لانه فعلا جمع كم غريب من المتناقضات في شخص واحد و كانه اكثر من شخص
اظن ان حياته تعرضت لكم هائل من الاكاذيب التي اختلطت بالحقائق
شكرا مره اخري
كنت اود ان تعرفنا بلينكات لها صور اخري كي نضعها في مدوناتنا لانها بتعطي المدونه شكل جميل و بتجعلها قيمه
ذو النون المصري
حبيب قلبي نورت
و انا ارى ان هناك جانبا مضيئا في كل شخصية حتى لو كانت تلك الشخصية هتلر نفسه
بالنسبة للنكات .. ان شاء الله هحضرلك مجموعة حلوة قريب
ماني عارفة أيش أقول؟
لأني صفر% في السياسية
بس الله يرحمه على كل حال
أبدا لن يكون من السهل وسط كل هذا الكم الهائل من الخلط الحكم على شخصية مثل صدام - سلبا أو إيجابا .. سيظل لكل فريق حججه .. و اتوقع ان يظل هذا الانقسام حادثا بين من يرونه ملاكا, و من يرونه شيطانا .. و سيظل ايضا فريق "له ما له, و عليه ما عليه" محتفظا بمساحة معقولة ... اما عني, فإني أنفض يدي من الامر كله
تلك أمة قد خلت لها ما كسبت و لكم ما كسبتم و لا تسألون عما كانوا يعملون
miami
سفر في السياسة و صفر في المونديال
كده كتيييييير
فركيكو
والله كلامك مظبوط لاني لحد دلوقتى مش عارف اخد جانب من صدام
حياته فيها كل الغلط و كل الصح
و متعرفش هو ملاك ولا شيطان
لكنه تاب
و ان شاء الله ربنا يقبل توبته و يرحم اللى ظلمهم
دايما العبرة بالخواتيم ولو كان هو ذى مابيقولوا كان طاغيه يكفى انه فى اخر كلامه ذكر الشهادتين ومن كان اخر كلامه لا اله الا الله دخل الجنه كما قال رسول الله صلى الله عليه وسلم طريقه عرضك جمليله ربنا يوفقك دايما فى كل مقالاتك اللهم امين يارب العالمين
اهلا بك رفقة عمر
والله المدونة بتنور بزيارتك
الكلام دة قريت زية كتيييير
بجد كلام يخلى الواحد يحب صدام ويقول الله يرحمة
بس تعالى نفتكر شوية حاجات
فاكر التعبير اللى كان أسمة
التوابيت المصرية الطائرة
فاكر المصريين اللى كانوا بيدبحوا ويتقتلوا ويتبعتوا لمصر عادى ولا كأنهم كلاب وماتت
والأطفال اللى أتشردت والأسر اللى أتهدت بسبب التوابيت دى
الدم المصرى اللى كان مغرق ايدية
فاكر الكيماوى والقرى اللى كان بيدمرها ويقتل الناس اللى فيها بالكيماوى
أطفال ، رجالة ، ستات ، شيوخ ، شباب
قتلهم من غير رحمة
ياترى بناء المساجد غسل ايدية من دم الناس
هقولك اية ولا اية
لو نسينا العراقيين اللى أتقتلوا بالجملة
والكويتيين اللى أتقتلوا فى مذابح جماعية ايام الحرب
مينفعش ننسى دم المصريين
ياترى بعد كدة ممكن نقول الله يرحمة صدام
معلش طولت عليكم بس هسيبلكم الأجابة
بسم الله الرحمن الرحيم
السلام عليكم ورحمة الله وبركاته
الله يرحمه ويرحم جميع موتى المسلمين والمسلمات
شكرا أخوي في الله
دمت بطاعة الله
لاتعليق
لم احبه يوما ولن احبه
ولو اصبح مهدي زمانه
مدونه جميله
كونوا بخير
اباصيري
و اول رد شامل
التدوينة لا تعبر عن حبي او كراهيتى لصدام انما هي تعبير عن مواقف طيبة ختم بها حياته
اظن ان على ان ادعوا له بالرحمة لسبب بسيط انه انسان اذنب و تاب و ختم اعمله السيئة باعمال صالحة
عبد الله
امين .. اخي عبدالله اثابك الله على دعائك
حامل المسك
اهلا بك صديقا جديدا
لك عذرك ان لم تحبه في يوم و لكن هل ما زلت تحمل الكراهية له مع توتبه و عمله الصالح ؟
شارم
لتانى مرة بعلق عندك بعد الموضوع العظيم بتاع الجيش
زى ما انت قولت ان فى اعتراضات كتير على صدام واولها انه ادى الفرصة لامريكا انها تدخل المنطقة العربية لكن كان ليه برده مميزات واكتر حاجة تحزن انه يموت على ايد الامريكان
اديني جتلك اهو يا عم عشان ماتزعلش اصلي مقدرش علي زعلك ..انا بختلف معاك في كام نقطه مع انك قلت انك مش من المؤيدين لصدام انا ضد حاجه وهي مش عاديه هي نقطة تحول في الأمه بالكامل وهي حرب الكويت فصدام اما دخل الكويت وبحجه غريبه جدا وهي انها الولايه رقم مش عارف ايه وانها بقيت العراق !! والفظائع ارتكبت ,,لاني كمان ليا تجارب شخصيه ففي واحد من قرايبنا كان هناك وكان بيحكي علي بيحصل مش هاقولك عملوا ايه في السيدات العربيات ولا البلد نفسها دول كانوا بيخلعوا عواميد النور من وبعدين انقسم العرب قسمين مؤيدين للعراق ومؤيدين للكويت وراح حلم الوحده وتلاشي ,,فالحكايه مش بقيت انك صعب انك توحد العرب لأ صعب انك تخليهم يحبوا بعض اساسا وطبعا مش هتكلم عن ايران اللي قالك فارس ,,فارس ميين مش اما نحارب اسرائيل ولا الكام صاروخ اللي راماهم سكود فاضيين الراجل الاسرائيلي مات من السكته القلبيه ,,,
مش الموضوع ده بس
المدونة كلها رائعة
عن البوست بقى
أعتقد اللى انت ذكرته واللى اول مرة بعرفه يخلينى أقول بصوت عالى ربنا يرحم صدام ويجعله من اهل الجنة
ربنا بيقبل التوبة
واحنا لسه مش راضيين نقبلها مش عارفة ليه
هو احنا أحسن من ربنا؟
مش محتاجة اجابة دى
لتانى مرة مدونتك وموضوعاتك كويسة جدا
تحياتى ياباشا
link
check this out ahmed and read the end part about maha abd el fatah and salah abd el hafez see and tell me it reminds me of abd el karim
أنت مدعوا لتشارك فى الحوار
عندى فى المدونة
طبعا مش البشر اللي زينا هما اللي هايقدروا يحكموا على قبول توبة صدام من عدمة وهتفضل كل الأسرار مدفونة معاه .. ولا يسعني سوى أن أقول .. الله أعلم
لكن المهم نكوم موضوعيين في سرد الجانب المظلم والمضيء في نفس الوقت .. ومن يختلف عليه الجميع ويحير الجميع لابد أن يكون صاحب كاريزما وشخصية مميزة
احنا عموما كشعوب عربية عندنا الناحية العاطفية والتأثر السريع بالاحداث عالي اوي
فعلا صدام كان ظالم وده باوقائع وكمان صدام كان شجاع لاخر لحظو في عمره وده بالوقائع برده
يعني لو جدرنا الجزء العاطفي عندنا حنلاقي الحقيقة واضحة بدون تحيز
انا بحترم صدام الانسان رغم طغيانه السابق
مدونتك جميلة بجد توثيقك اكتر من رائع للأحداث فعلا شكرا لزيارتك مدونتي المتواضعة وياريت تتكرر
:)
مصر هي امي
اهلا بيك في اي وقت
معلش انا بعترض معاك في النقطة دي
ان صدام هو اللى سمح للغرب انه يتدخل في بلادنا
الدول العربية هي اللى سمحت بكده مش صدام
احنا اللى خلينا الامريكان يدخلوا عشان يدبحوا العراقيين طيب لو احنا ضد صدام ليه قواتنا مدخلتش هي العراق ؟
عشان منصرفش فلوسنا في حرب
احنا اللى دخلناهم مش هو
ابن ناصر
حبيب قلبي لاحتلال الكويت اسبابه الاكبر من كون الكويت ولاية عراقية
لو كنت قريت ردي على الاخ حسن محمود كنت بقوله فيه
بالنسبة لاحتلال الكويت فهو دافع عن الهجوم الصفوي الناتج من الثورة الخمينية ضد بلاده و التى كانت ستجتاح الكويت قبل غيرها و ماذا فعل الكويتيين ؟
حولوا معوناتهم الى هبات ثم جعلوها ديون ثم جعلوها ديونا مجدولة لصالح امريكا
و اخذوا يشفطون البترول من حقول النفط العراقية اثناء حرب ايران
و لم يكفيهم ذلك بل دمروا اقتصاد العراق المتهالك بعد 7 سنوات من الحرب بتوصيل سعر البرميل الى 6 دولار يعنى بيشحتوه مش بيبيعوه
و اثناء ذلك جاء وزير الدفاع الامريكي الى الكويت لغزو العراق سنة 1989
و كشفت المخابرات العراقية عن تلك الوثائق
فما ذنب العراق لكل هذه المؤامرات ؟؟
الكلام ده كله قاله صدام حسين في خطاب الاعتذار للكويتيين
عين ضيقة
بالظبط زي مانت قلت .. ربنا بيقبل التوبة و احنا مش راضيين نقبلها ؟؟
ده ربنا لما بيرضى على حد بيجعل خواتيم اعماله احسنها
و لما بيسخط على حد بيزيده في مداه السئ
و الراجل خاتمة اعماله كانت حسنة يبقى ليه نشتمه .. هو كان طاغية و يستحق القصاص ثم تاب فيقام عليه القصاص و هذا لا يمنع من الدعاء له
المهم ان التوبه جت, وربنا بيقبلها في أي وقت تيجي فيه (:
Nohaz
link doesn't open with me ..
اودي
شكرا للدعوة
يا مراكبي
يعنى اللى انا عايزه بإختصار ان لما حد يجي يتكلم عن شخصية زي صدام لازم يذكر فيها مواقف 10 سنين كاملة من حياته
يعنى مكتبش مواقف كل حياته و يجي لغاية اخر 10 سنين و يتناساهم .. لا .. يكتبهم عشان نكون حقانيين
ريما
اهلا بك عزيزتى و تنوري المدونة في اي وقت
و فعلا صدام وقف صلبا لاخر لحظات حياته
الحرية للعريف الوطني محمد خلف
اسراء
ان شاء الله ربنا يتقبل توبته
يا جبهة
محمد خلف رفض يؤدي واجبه
والله ياشرم مافرقتش عندي حاجة 00
بالعكس ده اللي عمله قبل الغزو أو الصحوة اللي انت قصدك عليها دي تدل على إنه زي بني إسرائيل يظلمون الناس وأنفسهم0وعندما تقترب الكارثة أو تحل يهرعون إلى طريق الله00صورته عندي ماتغيرتش 00ربنا يرحمه عموما00بس أحسن حاجة فيك الفيديوهات الكتير دي 00مهمة فعلا وجميلة0
مع تحياتي00
والسلام عليكم0
المصري
الفيديوهات دليلي توثيق .. و شاهد واقعى على الكثير من الحقائق
الناس بشر
لا يوجد أحد شر مطلق أو خير مطلق
ربنا قال في القرآن:
"خلطوا عملا صالحا وآخر سيئا" يعني ممكن يكون صدام منهم
بس أي كفة هي اللي حترجح عندالله؟؟؟هذا ما لا نعلمه و هذا متروك لأحكم الحاكمين سبحانه
صدام زي بعض الحكام العرب ليه مساوىء ومحاسن ، ده طبعا لأن بعض حكام العرب التانيين ليهم مساوئ بس
يمكن هو فعلا ارب لعبدالناصر لأن اكبر افاته هي الديكتاتورية ، وهي اللي سبتت ده كله ليه وللعراق وللعرب عموما
آه صدام كانت سياسته غير مقبولة بالمرة بس لو تخيلت معاي كده؟؟
لو كان فضل صدام في حكمه و أخد الكويت و بقى عنده بترولها و خضعه لتأسيس جيش و سلاح يغلب أسلحة اسرائيل في الشرق الأوسط ((ده مش كره للكويت)) ولا حبا في خرابهاولا أنا مع احتلالها
لكن بتخيل بس
انه كان حايعمل دولة كبيرة غنية عندها السلاح النووي و حايكون قوة عضمى في الشرق الأوسك و ماكناش حانبقى خاضعين لحد
أما عن سياسته فهي مع كل عيوبها لكن كان بيميزها حاجو واحدة
انه كان بيحترم العروبه و حاططها هدف و كان بيعامل العرب اللي في العراق بمساواه مع المواطن العراقي لمجرد انه عربي
في اعتقادي أنا البسيط انه بكل عيوبه كان قادر يحمي الأراضي العربية و يقف قدام اللي كاسرينا دلوقت و عشان كده قُضي عليه
كن زمان
نسييت أقولك اني بحييك جدا على موضوعك ده.. عشان إنت كده بتدي فرصة للي بيعارض انه يفكر بيعارض ليه و اللي موافق كمان
entropy
كل ابن ادم خطاء و خير الخطائين التوابين
ارأيت تائبا فعل كل هذا ؟
متغيرة شوية
في كاتب صحفي كان قال ان في ثلاثة ارادوا حكم العرب
عبد الناصر
القذافي
و صدام
هند
قلتى اللى جوايا و مش عايز اكتبه
صدام كان عامل رعب لكل واحد فكر بالسوء للعرب
سواء اسرائيل او امريكا
و لعلمك .. العراق ما كانتش تنفع تمشي الا كده
عرب و اكراد
مسلمين سنة و مسلمين شيعة و مسيحيين و يهود و دروز
لما اتسابلهم الحرية كله بيقتل في كله عشان ينجد بنفسه من التاني و يستقل
العراق الموحدة المستقرة في رأيي صارت حلم في غياب صدام
غريب عجيب أمركم !!
ما الذي يُثبت هذه المحاسن التي نُقلت
ثم كيف لعاقل أن يقر بأنها أي المحاسن و جرائم التعذيب و القتل و الإغتصاب و الإبادة قد تمت من قبل شخص واحد!!
و على افتراض انه تاب .. عليه أن يقر بأخطاءه أولاً .. ثُم ينال جزاءه !! و الذي هو بلا شك الإعدام ..
صدام طاغية
ولا يوجد شخص في الكون يستطيع أن يُحسن من صورته القبيحة
الامبراطور سنبس
اهلا بك زائرا جديدا
عزيزي نحن لا ندافع عن ما ارتكبه صدام بتاتا فصدام يستحق الاعداد و لكننا نعرض ما يجب ان يقال في حقه من صدق فهو لم يكن شخصا ليس له محاسن بالعكس قد تكون افعاله الطيبة اكثر من اي شخص فينا
من يعلم
يبدوا انك لم تقرأ الموضوع او التعليقات
فالمصدر هو كتاب شهادة التاريخ: عقدٌ من حياة صدام ... في ميزان الإسلام
و ذكر الكتاب مساوئ صدام قبل حسناته
حتى ان الفصل الاول فيه يتحدث عن طغيانه على الناس قبل 20 سنة من الان و اسم الفصل كان صدام و ابليس وجهان لعملة واحدة
اما عن اعترافه بأخطاءه فيرجى مراجعة رسالة الاعتذار للشعب الكويتى
و رسالة صدام للشعب الايراني
و التى برر فيها حربيه كل على حده
اما عن احداث الدجيل و حلبجة
فهذا ما يستحق الاعدام عليه
حتى ان محاكمته حدث فيها شهادة زور و قد وثقت ذلك بكليب في الموضوع الرئيسي و يمكنك مشاهدته
انسخ هذا الرابط في متصفحك لمعرفة المزيد عن صدام حسين مما لا تعرفه
albasrah.net/maqalat/sadam_2003.htm
اهلا بك مرة اخرى
sharm
السلام عليكم
انا عارفة ان الموضوع قديم
بس اللي لفتلي نظري هو التعليقات
انا بصراحة مش ممكن أقدر أتخيل أي حسنة لرجل مثل صدام حسين
يعني واحد زيو مش عارفة نقدر نطلع منو حسنات
واحد سفاح قاتل مجرم وله فن في التقذيب والاجرام لم يسبقه عليه أحد
عمل حرب مع دولة عربية
واللي تعجبت منو اقتراح واحدة من المعلقات على الموضوع نسيت اسمها ان لو صدام بقي في الكويت كان استفاد من نفظها لضري اسرائيل
يعني انا بصراحة استغربن جدا من اقتراح كهذا
على العموم أرحب بك لقراءة موضوعي الذي نشرته عن صدام ومش ضروري تعلق لو مش عايز بس كنت أحب اشرح وجهة نظري
http://shehidah.blogspot.com/2007/01/blog-post_02.html
ملحوظة: مدونتك جميلة جدا
شهيدة
اهلا بك
الموضوغ لا يعبر عن كل تصرفات صدام بل عن محاسنه فقط اما مساوءه فلا يختلف علها اثنين
يجب ان تكون منصفين و تعرض الجيد جيد و السيء سيء
نورتينا
اخي العزيز
اعلم ان تعليقي متأخر للغاية ولكني وجدت هذا البوست بالصدفة ورأيت فيه بعض المغالطات حيث ان جميع النقاط التي ذكرتها عن حسنات صدام غير صحيحة بالمطلق
لأني فلسطيني وعشت بالعراق فترة طويلة من عمري ودرست في جامعة بغداد واستطيع ان اناقشك بكل صغيرة وكبيرة في هذه النقاط او في اي جانب من جوانب حياة هذا الطاغية على العنوان archi_ammar@yahoo.com
لماذا نحاول نحن العرب ان نمجد الزعماء رغم اعترافنا بفظائع اعمالهم؟
على الاقل نحترم مشاعر اخوتنا العراقيين الذين عانوا.. على الاقل نثبت ان في امتنا رجال افضل الف الف مرة من صدام يستطيعوا ان ينهضوا بها من دون دمار او تهور.. شكرا
لا اله الا الله محمد رسول الله
تلفزيون الانترنت
http://www.el-host.net
—————————
قنوات رياضية
http://www.el-host.net/tv/category/7/1.html
————————–
قنوات افلام
http://www.el-host.net/tv/category/12/1.html
—————————
قنوات أخبار
http://www.el-host.net/tv/category/8/1.html
—————————–
قنوات اطفال
http://www.el-host.net/tv/category/9/1.html
—————————-
قنوات موسيقى Music
http://www.el-host.net/tv/category/16/1.html
—————————–
اذاعات القرآن الكريم
http://www.el-host.net/tv/category/15/1.html
—————————–
قنوات عربية منوعه
http://www.el-host.net/tv/category/10/1.html
——————————
اذاعات عربيه
http://www.el-host.net/tv/category/17/1.html
——————————
مسرحيات
http://www.el-host.net/tv/category/34/1.html
——————————-
افلام عربية
http://www.el-host.net/tv/category/35/1.html
——————————-
http://www.el-host.net/vb
——————————
http://www.el-host.net/dir/
لا اله الا الله محمد رسول الله
تلفزيون الانترنت
http://www.el-host.net
—————————
قنوات رياضية
http://www.el-host.net/tv/category/7/1.html
————————–
قنوات افلام
http://www.el-host.net/tv/category/12/1.html
—————————
قنوات أخبار
http://www.el-host.net/tv/category/8/1.html
—————————–
قنوات اطفال
http://www.el-host.net/tv/category/9/1.html
—————————-
قنوات موسيقى Music
http://www.el-host.net/tv/category/16/1.html
—————————–
اذاعات القرآن الكريم
http://www.el-host.net/tv/category/15/1.html
—————————–
قنوات عربية منوعه
http://www.el-host.net/tv/category/10/1.html
——————————
اذاعات عربيه
http://www.el-host.net/tv/category/17/1.html
——————————
مسرحيات
http://www.el-host.net/tv/category/34/1.html
——————————-
افلام عربية
http://www.el-host.net/tv/category/35/1.html
——————————-
http://www.el-host.net/vb
——————————
http://www.el-host.net/dir/