كثيرا ما نضحك .. كثيرا ما تتحول ضحكاننا الى بكاء
و بكاءنا الى ألم
بإختصار تلك الفيديوهات البسيطة ابلغ دليل على ان الضحك قد يتحول فعلا الى بكاء
.
.
عندما تضحك على حالك
عندما تكون معاملة وزير سوري لضيوف رئيس الجمهورية السورية بهذا الشكل , فماذا تنتظرون ؟
و ما النتيجة ؟ استفتاء , هل سمعت عن سوريا ؟ شاهدوا الاجابة
و في تونس , الحكومة تمنع الحجاب و الشرطة ترقص
و اخر الابتكارات السعودية , التزحلق على الاسفلت
اجتهاد ام ابتعاد ؟
و قطر تجرد 6000 شخص من جنسياتهم و املاكم و حقوقهم و تطردهم خارج البلاد
و ملك الاردن يمثل في مسلسل الخيال العلمي الأمريكي ستار تريك ككومبارس غير متكلم في الحلقة 35
Star Trek - Voyager, Episode 35: Investigations - 1995
بتبكوا على العراق من شتيمة الغريب ؟ كنتم فين لما العراق اتشتم من اخته الكويت ؟
و الرياضة المصرية , منتهى الاخلاق
في امريكا بيعلموا الاطفال ازاي يعملوا قنابل
و في الشرق الاوسط بيعلموا الاطفال ان الجري نص الجدعنة
و هزار مصريين .. اللى يغرق الاول يكسب
سوبر فول .. ميكروباص يخبط رجل في الطريق , عادي جدا
برافوا ستار اكاديميى , باسها من كتفها زعلت , تف عليها
الحلم العربي المصري
و اللبنانيون لهم رأي اخر في هذا الحلم
الجيش العربي فين , فين
ماشاء الله على البطولة , مقاومة الامريكان بالامريكاني
و في العراق , حمار معترض على محاكمة صدام
ان غاب القط العب يا فار , مقتدى الصدر بيشتم الناس
هو اللطم مش حرام في الاسلام برضه ؟ امال مين دول ؟
كلينتون يضحك بشدة , يمكن افتكرنا
و هنفضل نضحك و يضحكوا , نضحك على نفسنا كمان و كمان
مفيش ابتكار , مفيش صحة , مفيش اخلاق , مفيش كرامة , مفيش علم , مفيش دين , مفيش تسامح
يا ناس اتقوا الله , قبل ما تحاسبوا الحكام , حاسبوا نفسكم و اهتموا بأخلاقكم و دينكم و علمكم و حاولوا تعملوا حاجة كويسة
و بكاءنا الى ألم
بإختصار تلك الفيديوهات البسيطة ابلغ دليل على ان الضحك قد يتحول فعلا الى بكاء
.
.
عندما تضحك على حالك
عندما تكون معاملة وزير سوري لضيوف رئيس الجمهورية السورية بهذا الشكل , فماذا تنتظرون ؟
و ما النتيجة ؟ استفتاء , هل سمعت عن سوريا ؟ شاهدوا الاجابة
و في تونس , الحكومة تمنع الحجاب و الشرطة ترقص
و اخر الابتكارات السعودية , التزحلق على الاسفلت
اجتهاد ام ابتعاد ؟
و قطر تجرد 6000 شخص من جنسياتهم و املاكم و حقوقهم و تطردهم خارج البلاد
و ملك الاردن يمثل في مسلسل الخيال العلمي الأمريكي ستار تريك ككومبارس غير متكلم في الحلقة 35
Star Trek - Voyager, Episode 35: Investigations - 1995
بتبكوا على العراق من شتيمة الغريب ؟ كنتم فين لما العراق اتشتم من اخته الكويت ؟
و الرياضة المصرية , منتهى الاخلاق
في امريكا بيعلموا الاطفال ازاي يعملوا قنابل
و في الشرق الاوسط بيعلموا الاطفال ان الجري نص الجدعنة
و هزار مصريين .. اللى يغرق الاول يكسب
سوبر فول .. ميكروباص يخبط رجل في الطريق , عادي جدا
برافوا ستار اكاديميى , باسها من كتفها زعلت , تف عليها
الحلم العربي المصري
و اللبنانيون لهم رأي اخر في هذا الحلم
الجيش العربي فين , فين
ماشاء الله على البطولة , مقاومة الامريكان بالامريكاني
و في العراق , حمار معترض على محاكمة صدام
ان غاب القط العب يا فار , مقتدى الصدر بيشتم الناس
هو اللطم مش حرام في الاسلام برضه ؟ امال مين دول ؟
كلينتون يضحك بشدة , يمكن افتكرنا
و هنفضل نضحك و يضحكوا , نضحك على نفسنا كمان و كمان
مفيش ابتكار , مفيش صحة , مفيش اخلاق , مفيش كرامة , مفيش علم , مفيش دين , مفيش تسامح
يا ناس اتقوا الله , قبل ما تحاسبوا الحكام , حاسبوا نفسكم و اهتموا بأخلاقكم و دينكم و علمكم و حاولوا تعملوا حاجة كويسة
الموضوع القادم : لماذا قواتنا المسلحة قوية ؟
شر الباليه ما يهلك من الضحك
بجد الوزير السورى دا جامد جدا
دا ولا همه وشفت الناس بتمشى و هى مكسوفه أزاى
يا عم سيبك من الاستفتأت بتاعت الناس اللى بره دى يعنى انت لو نزلت فى الشارع عندنا و سالت عن دوله اسمها بلدوين فى حد حيعرفها اكيد لا
بجد الظابط دا بيرقص جامد جدا بس انا مستبعدش انه يكون ظابط ليبى و بيستهبل
بحبك يا سعوديه
بالنسبه للناس اللى بتصلى فى غير اتجاه القبله على ما اظن انها غلطة احد الامامين لان احدهم علم انه على خطا و استمر فى أداء الصلاة و عسى الله ان يغفر له
ياه 6000 شخص اتجردوا من الجنسيه يعنى كداالشعب القطرى بقى 2000 بس
لا حول ولا قوة الا بالله
ماتسيبوا الملك يمثل يا جدعان الراجل بيتمرن قبل ماياخد دوره فى السلطه
اساسا العراق و الكويت طول عمرهم بيشتموا فى بعض
كان معكم أبراهيم سعيد من مصر حيث لا يعاقب أحد و انتظرونا و ب..... اخر
لا مالكش حق القنابل المصريه لا يعلا عليها
هو الواد كان بيجرى ليه
يا لهوى هم كانوا بينطوا ليه
شوف الفول بيعمل ايه
ستار أكاديمى زنا 24 ساعه يوميا تابعونا تجدو ما يسركم
الحلم العربى المصرى ناتج عن قرش حشيش عالى جدا و اللبنانى دا اعلان عصير عبد الفتاح
[جد اجمد واحد بتاع الجيش العربى دا جامد اخر حاجه
يا عم دا تلاقيها متصوره فى السعوديه برضو
لا لا لا لا الحمار دا اكيد مصرى
بيقولك مقتدى دا كان مشارك فى اعدام صدام
دول شيعه يا عم صلى على النبى فى قلبك لانك مش حتفهم ايه اللى هم بيهببوه دا
كلينتون سكران على فكرة
تسمحلى استعير كلامك يا باشا
يا ناس اتقوا الله , قبل ما تحاسبوا الحكام , حاسبوا نفسكم و اهتموا بأخلاقكم و دينكم و علمكم و حاولوا تعملوا حاجة كويسة
لا مالكش حق القنابل المصريه لا يعلا عليها
----------------------
ههههههههههه
صحيح نسيتنى ان عندنا كرمب
----------------------
و استعير يا باشا استعير
صحيح : انت عامل كارنيه و لا جدعنه و هتفتكرني بشلن ؟
صباح الخير
اولا شكرا لمرورك الكريم
لا ادرى ما اقول الا اننى احسست اننى اشاهد نشرة اخبار لا نفاق بها لا مجاملات ولا حسابات دبلوماسية فوجدت اخبار جميع البلدان بلا قناع وبكل صراحة
شكر لك لقد رصدت الحقائق كاملة
تحياتى
ملك المصرية
شارم
منك لله يا عم
من كليب للتانى عمالة اتنقل اديلى ساعة ده بوست ولا ايه ده
بس كلها والله حاجات تحزن
بس الكليب بتاع الغرق ده مسخرة وهو فى الاخر بيقول فى اتنين غرقوا عادى يعنى
كليب الشيعة ده هين كويس ان مكنش شايل سيف
كلينتون فعلا واخد بالقرش كله حشيش ايه ده حالته صعبة قوى
الحلم العربى واحلى حلم وهو بالضبط اللى شبه الجيش العربى ما يفرقش كتير
الواحد مش عارف يعلق على ايه ولا ايه بس فضايح العرب فوق الوصف وخاصة التزحلق على الاسفلت ايه التطور ده يا عالم احنا واقعين من اى حقبة تاريخية ومن اى عصر منقرض علشان تكون دى تصرفاتنا
فعلا كلمة عفوا ابدأ بنفسك هى الحل لما كل واحد فينا يبدأ بنفسه عمر ما حالنا هيكون كده
وهو الحكام والبشر دى ما هم منا والنتيجة زى ما ورتينا
العار العربى
تحياتى
انت اللي مدونتك حلوة أوي يا عم
!!
بس الشرطي التونسي دا انا شايفته من قبل مدري فين
آه اظنه يكون عم ال
dancing baby
اللي طلع أول ما اخترعوا الانترنت
;-)
أنت ماسبتش حد ما أنتقدتهوش
شئ جميل أنها نتفرج معاك على اليو تيوب
بس عايزين نقرا ارئك
الغرب
ملك المصرية
اهلا بيكي .. و هي فعلا نشرة اخبار من كل البلدان ممكن نعتبرها طريفة , ممكن نعتبرها مزعجة لكن في النهاية هي حقائق
tota
صدقيني , انا مقتنع تماما ان العيب منا احنا كشعب مش كحكومات ولا من ظلم خارجي
entopy
شكرا للزياردة يا عسل و والله انا معرفش الدانسج بابي بس هدور عليه دلوقتى و ازوره
el gharb
انا مسبتش في الموضوع ده غير رأي واحد ليا في النهاية اما باقي الموضوع فهو زي ما قالت توتا نشرة اخبار من هنا و هناك
انا ضحكت كتير جدا
بس واضح انى كنت بضحك على الخيبه اللى احنا فيها
احب احييك على تجميعك للكليبات دى
و للأسف احنا العرب مفيش مننا فايده
بس بالنسبه اننا نحاسب نفسنا قبل حكامنا
عندك حق بس متنساش انهم السبب فى اللى وصلنا ليه
مدونتك عجبتنى قوى
تحياتى
mano
اهلا بيك
ولا , مش هما السبب , احنا السبب ,
مش الحكام هما المسؤولين عن ان الشاب يهتم بانه يقرأ اكتر من اهتمامه انه يقف على الناصية و يعاكس
مش الحكام هما المسؤولين على ان الشيوخ يبقوا لا يخافون لومة لائم
مش الحكام هما المسؤولين على ان البنات تلبس محترم بل القصير و المحزق و الملزق
مش الحكام هما اللى بيخيروا الشباب بين البانجو و بين القران
مش الحكام هما اللى بيرفعوا في اسعار البيبسي و الشيبسي و المكرونة
احنا
الشعب
المجتمع
الاسرة
الفرد
لو كل واحد قام بدوره صح , نبدأ ساعتها نلوم الحكام
بص انت عندك حق
لكن تقدر تقولى واحد مش لاقى ياكل و مش عارف يجيب لولاده هدوم و كتب المدرسه
تفتكر ممكن يجيب كتاب او جرنال يقراه؟
لما تشوف الفساد فى كل مكان ده مسؤلية مين؟
لما الرشوه تصبح شىء عادى بسبب ضعف المرتبات- و ده مش مبرر- مين المسئول
سيدنا عمر بن الخطاب كان مسئول عن كل فرد فى الأمه الأسلاميه كلها مش هقولك فى بلد واحده
و كان بيقول لو تعثرت بعيره فى العراق لسؤل عنها عمر
اتمنى مكونش غلط فى الجمله
يعنى كان مسئول عن كل حاجه
يبقى ازاى بقى الحكام مش مسئولين
لما يبقى الشباب مش لاقى شغل بعد التخرج بعشر سنين يبقى مين اللى مسئول
و ازاى نبقى عايزينه شباب سوى
انا احترم رأيك جدا
و اتمنى رأيى ميكونش ضايقك
mano
بالعكس رأيك مضايقنيش لاني متفق معاك جدا و الاختلاف بس في مين مسؤول اكتر من مين
ايام سيدنا عمر بن الخطاب كان مستحيل حد زي هارون الرشيد يحكم الناس مثلا
لان الناس كانوا اقوياء بحق ولا يخشون في كلمة الحق لومة لائم يعنى احنا شايفين مثلا ان اللحمة غليت , ليه الناس متعملش تضامن في كل انحاء الجمهورية و تقاطع اللحمة لمدة اسبوعين بس
يمكن الكلام اللى بقوله هتعتبروه خيالي لكنه حصل في انجلترا سنة
1994 مع ارتفاع سعر الاسماك فقاطعوها الناس لمدة اربع ايام فإنخفض سعرها تاني
ليه منبقاش شعب قوي هو اللى يتحكم في كل شئ ؟
انا متفقه معاك جدا
اننا شعب سلبى ودى حاجه بتستفزنى جدا
ان الناس ملهاش دعوه بحاجه
كل واحد عايز يبقى فى حاله و اللى يحصل يحصل
انا نفسى نبقى شعب قوى و عنده اراده
اشكرك على اهتمامك و ردك السريع
mano
اقتبس من كلامك
-------------
كل واحد عايز يبقى فى حاله و اللى يحصل يحصل
-------------
بالظبط , ده اللى انا عايز اقوله , مينفعش نبقى كده و كل واحد مش هامه التاني لازم نبقى وحدة مشتركة و اللى يحاول يضرنا يبقى هو اللى انضر
اللى مش عايز يتعلم يبقى منبوذ لان الناس متعلمين
لكن اللى حاصل
انك لو مش بتدخن و مش بتعرف تعلق بنات كويس تبقى شاب خيبة
البوست ده جامد جدا جدا جدا
و عنوانالبوست الجاى بقى مخلينى هستناه بفارغ الصبر
البوست الجاي يا حرة هيعجبك اوي
اوعدك
أولا لم أتمكن من مشاهدة لا الفيديو ولا الصور
لازم عندي مشكله
لكن والله كلام معقول
فهمت من التعليقات بس
أرق تحياتي
اهلا اهلا ابن بهية
الفيديوهات تستلزم وجود
flash media player
ممكن تحمله من هنا
http://www.macromedia.com/software/flashplayer/public_beta/installers/install_flash_player_8_plugin.msi
معلش اللنك تاني اهو
لنك
بوست جميل جدا ومكثف
إن الله لا يغير ما بقوم حتى يغيروا ما بأنفسهم
وكما تكونوا يولى عليكم
لازم نبدأ نصلح نفسنا .. وبعدين ننصح اللي حوالينا .. بعد كده ينصلح المجتمع .. غير كده مافيش حل تاني
اهلا يا مراكبي
ازي الكويت ؟
مش انت مقيم في الكويت برضه ؟
شفت انا حافظ حبايبي ازاي ؟
يعلم الله يا مراكبي اني بدأت بنفسي و خططت انى لازم ابقى متدين , متعلم , لا يخشى كلمة الحق , ايجابي و مش سلبي
ريبورتاج جميل جدا
بيلخص اراء كتير جدا
بتلخص ف الاخر قضايا بتتكلم فيها الفضائيات والصحافه
كل يوم
متهيالي لو ده اتعمل ملحق لاي جريده من جريادنا الموقره
هيلخص كلام ومقالات اعداد جايه
فعلا الشارع والمواطن ليهم فلسفه اروع من الكتاب
بس كويس انك عرفت تلمهم
بوست جميييييييييييييل بل رائع
والله شر البلية ما يضحك
تحياتى لك على هذا البوست
متهيألى اننا بعد شويه هندور ع الانتحار
اصلنا بنحلم ببكرة أحسن .. ويظهر ان مافيش بكرة أصلا
منهم لله حكاما ومحكومين
سلام..لو لسه بينفع السلام
ربنا موجود قادر على يغير الحاجة الوحشة
بجد بوست رائع
انك تجمع كل الفيديوهات دي في بوست واحد
شيء رائع
.....
حقيقي اتفرست جدا من المواقف العربية اللي ماشاء الله بتزيد يوم عن يوم
هايل والله بجد يا احمد
ريبروتاج جامد جدا
بجد بجد بجد فوق الرائع
سرد هايل للاحداث واقعية
وفعلا عندك حق لازم الاول نشوف نفسينا قبل ما نعيب على الحكام
وهنستنى الموضوع القادم
غير كدة بصراحة موقع
رومانسى دة جنان وانا اشتركت فية بجد هايل
تحياتى
يانهار أبيض 00ايه كل الحاجات دي ..
هم يبكي وهم يضحك00
عموما 00أنا بعتلك تاج حوال ترد عليه لو فاضي0
مع تحياتي00
والسلام عليكم0
هيثم ابو عقرب
اهلا بيك و رأيي ان الناس قادرة دايما تعبر عن الشارع اكثر من الصحافة و الاعلام
ياسمين
شكرا جزيلا و اتمنى بجد انه يكون عجبك
عين ضيقة
لو بطلنا نحلم نموت ! بس الحلم في رأيي مش مجرد خيال او اماني انما هو لازم يكون عمل و جهد و طموح لبكرة و ربنا ما يجبش انتحار
بنت البدو
ان الله لا يغير ما بقوم حتى يغيروا ما بأنفسهم
راندا رأفت
انا مفروس من زمااااااااااااااان
نبض
رومانسي ده الموقع الام اللى اتفرعت منه مواقع كتير تاينة و لو كنتى شفتيه زمان كان عجبك اكتر من دلوقتى لان كان فيه اشعار و كلمات اكتر بس بصراحه جالى احباط لما كل موقع بدأ ينقله و يكتب عليه اسمه
سرقة علنى .. ناس معندهاش ضمير
احمد المصري
ايه ... بتقول ايه
تاج
يالهوي
ليه بس يا ابو حميد
ده انا صاحبك و حبيبك تقوم تعمل فيا كده
حتى الصحاب معادلهمش امان
الوزير السوري
انسان معفن و عفش و الرئيس بتاعه ملهوش كرامه يبدو انه رئيس مركوب
الشباب السعودي
فلوس و فراغ ايه المنتظر منهم؟ولا حاجه التزحلق علي الاسفلت ..ناس بتبتكر مش زينا
المجتهدين دي مش قادر اتصور اللي بيعملوه صراحه ..مين دول
الملك حسين الله يخيبه
و لسه!!!!!!!!!!؟
الرياضه في مصر حالتها هي جزء من حالة الانفلات الاخلاقي في المجتمع كله والابتعاد عن استعمال العقل و فض كل الخلافات بالدراع
الولد اللي بيجري
ولد امور جدا كان نفسي ينتبهوا لمواهبه في الجري يمكن يكسب الماراثون ابو 42 كلم
صحيح ليه مبندخلش الماراثون و احنا احسن ناس تجري؟
الولد التفاف ده مين هو ؟
---------------------------موضوعاتك ممتازه جدا
ذو النون المصري
في عهد الخليفة الرابع "الإمام علي" رضي الله عنه.
جاءه رجل فقال: ما لنا يا إمام نعيش فتنة ما عشناها علي عهد صاحبيك (أبو بكر و عمر) رضي الله عنهما؟ فأجابه الإمام علي قائلا: لأن على عهد صاحبي كان الراعي مثلهم و الرعية مثلي، و أما على عهدي فالراعي مثلي و الرعية مثلك.
انت جبت من الاخر يا احمد
كنت كتبت قبل كده في احدى التدوينات من فتره
انه العيب مشترك بس لاكبر فينا
لان لو مش احنا احنا مكانش هما (الحكام) حيكونوا هما بأى شكل من الاشكال
بس موضوع القبلتين ده !!!!
هو اوكاى ولو انه غريب انه يكون في امامين بجماعتين يمكن ميعرفوش
انما امامين بقبله مختلفه
اعتقد عندى هنا سؤال ...؟
هو لسه في ناس فاكره ان القبله لسه المسجد الاقصى
ولا ده تضامن مع شعب فلسطين !
تحياتى على النتيجه الى وصلت ليها في النهايه
نفسي اعرف اقرا اسمك صح !
بالنسبة لموضوع القبلتين
اعتقد ان اتنين جم يصلوا جنب فأخطأوا و توجهوا ناحية القبلة الخطأ
و جاء بعد ذلك عدد من الاشخاص ليصلو خلفهم و لم برجعوا المأموم الى الصف الاول لذا ظهر ان هناك امامين
ثم جاءت مجموعة اخرى من الناس يعرفون اتجاه القبلة و لم يصلوا جماعة مع المجموعة الاولى و لكن اقاموا صلاة جديدة بإتجاه القبلة الصحيحة
غفر الله لهم و اثابهم اجر الاجتهاد
اسمى بيتنطق كده
جوس بامبس
(ده اسم سلسله قصص مترجمه للعربيه ودبلجتها بالعربي صرخه لرعب)
اى خدعه :D
تفسيرك لموضوع القبلتين منطقي
جداا يعنى فعلا مفيش تفسير غير ده
ربنا يرحمنا ويعينا نخلى نفسنا ثم بلدنا افضل
بينا
مش بكلامنا او بغيرنا
تحياتى
جوس بامبس
رعب !! بس المفروض كنتى تخلي الاسم شركة المرعبين المحدودة !! عشان تليق مع الصورة
عموما تشرفنا يا اخ مرعب
!!
بوست تحفه فيه بلاوى سوده كلنا عارفينها وزهقنا منها ودمرتنا بس دى سبب لاسباب متراكمة بداها اجدادنا بالسكوت والضعف
وحال الراعى ليس ببعيد عن حال الرعية كلاهما مراة للاخر
شكرا هند و ان شاء الله البوستات الجاية هحاول اجيبلك حاجات جديدة متزهقيش منها
اهلا بيكي
مواضيعك رائعة
عشان كدا
عيزك تمر عليا وتستلم التاج من فضلك
تعال فى الحال
تاج تاني يا منصوراوي
الله يكرمك
ماشالله فيديوات كثيرة
بطالع شنو لا شنو
و قررت اطالع الفيديوات اللي لفتت نظري بس
شكرا على البوست اللي احتوى مقتطفات من اختيارك
اهلا بيكي بحرينية
كويس اني محطتش حاجات من بحرينية عشان متزعليش
نورتي
احمد
تفتكر ايه الأهم ان احنا ندور على الغلطة دى غلطة مين و مين اللى لازم نحاكمة ما هو احنا دايما كدة لما يحصل كارثة يكون كل همنا ان احنا ندور على حد يشيل مسؤليتها
انت عرضت البوست بتاعك بشكل ايضاحى و شيق لكن ايه الحل
هل الحل ان احنا نفضل نشتم و نهاجم على طول و اللى احنا بنشتمهم دول يفضلوا يغلطوا برضة ما هو محدش سال فى حد و لا معبر التانى
و لما تسكت يقولوا دة شعب سلبى و لما تتكلم يقولوا دة شغب و تصحى تلاقى نفسك فى مكان تانى ما حدش يعرف يوصل لك فيه
بالمناسبة فكرة ان الشعب كله يعمل اضراب عن اللحمة لمدة اسبوعين دى مش سليمة
اولا لأن للقاعدة شواذ و هنا الشعب كله هيفضل كسر القاعدة
ثانيا ايه ذنب الجزارين فى الخسارة دى يعنى هو مفهوم الرفاهية فى اللحمة و بس
ليه مش فى محلات التيك اوى المكلفة
تلاقى الراجل يطلب اكتر من طاقتة و الى يفيض منه يفضل انه يترمى فى الزبالة عن انه يلفة فى كيس و يديه لحد غلبان علشان البريستيج بتاعة ما ينكسرش لما يطلب لف حتةاللقمة الى فضلت منه
ماشاء الله عليك والله جايب كام حاجه تموت من الضحك وفعلا وشر البلية ما يضحك والمدونه بتاعتك أكتر من ممتازه
http://ibnasser.blogspot.com
نها
بصى انا حطيت عشان كلامك ده شعار في مدونتى بره .. لا للشماعات
مش عشان حياتى فيها شئ مش طبيعي يبقى الحكومة هي اللى غلط
انا مش بدافع عنها .. لكن اللى عايز اوضحه انى متضايق و هقولك على موقف انى اتكلمت مع شاب والله العظيم ما هاموا اي حاجة في الدنيا وقاعد على القهاوي طول اليوم بيلعب طاولة و لما تجيلوا وظيفة في شركة ب 200 يقولك خليهالهم و يقعد يشتم في الحكومة عشان معينتوش او مصرفتلهوش اعانة بطالة .. طب ليه نبقى كده ؟
ليه الشاب ده ميشتغلش الشغل ده و يدور على شغل غيره يسند .. ليه ميقراش بدل ما هو قاعد على القهاوي
ليه الشباب بدل ما بتدخل عالنت على مواقع قبيحة زيهم يدخلوا على مواقع يقروا منها و يزودوا ثقافتهم و علمهم
ليه منكسبش احترام نفسنا قبل ما نكسب احترام الغير
بالمناسبة فكرة اللحمة دي مجرد مثل .. لو مش عاجبك ممكن متقاطعيش اللحمة بس اعملي حسابك كل يوم هاجي اتغدى معاكم
ابن ناصر
اهلا بيك حبيب قلبي نورت
انا اول مرة ازو مدونتك بجد فيها افكار جديدة وكمان مفيدة مش بتتكلم فى اى حاجه وخلاص وفعلا لو احنا التزمنا بالا خلاق والدين وبالضمير ربنا هايبعت لنا حاكم عادل وفيه حديث للرسول الكريم بيقول فيه( ان الله عزوجل يقول انا الله لا اله الا انا مالك الملوك وملك الملوك قلوب الملوك بيدى وان العباد اذا أطاعونى حولت قلوب ملوكهم عليهم بالرأفه والرحمه وان العباد اذا عصونى حولت قلوب ملوكهم عليهم بالسخط والنقمه فساموهم سوء العذاب فلا تشغلوا انفسكم بالدعاء على الملوك ولكن اشغلوا نفسكم بالذكر والتضرع الى اكفكم ملوككم) صدق رسول الله صلى الله عليه وسلم فيما بلغ عن ربه وهو حديث صحيح
رفقة
اهلا بيكي و زيارتك شرفتنى
صدرق رسول الله صلى الله عليه وسلم
اللهم ارزقنا اتباعه